മലപ്പുറം ഇന്ന് വിധിയെഴുതുന്നു

ഇ അമ്മദിന്റെ നിര്യാണത്തേ തുടര്‍ന്ന് ഒഴിവു വന്ന മലപ്പുറം ലോക്‌സഭാ മണ്ഡലത്തിലേക്കുള്ള ഉപതിരഞ്ഞെടുപ്പ് ഇന്ന് നടക്കും.രാവിലെ വോട്ടെടുപ്പ് തുടങ്ങി.രാവിലെ ഏഴു മുതല്‍ ആറു വരെയാണ് വോട്ടെടുപ്പ്.മുസ്ലിം ലീഗ് നേതാവ് പാണക്കാട് ഹൈദരലി ശിഹാബ് തങ്ങള്‍ രാവിലെ തന്നെ വോട്ട് രേഖപ്പെടുത്തി.യുഡിഎഫിന് മികച്ച വിജയമുണ്ടാകുമെന്ന് ഹൈദരലി തങ്ങള്‍ ശുഭാപ്തി വിശ്വാസം പ്രകടിപ്പിച്ചു.ലീഗ് സ്ഥാനാര്‍ത്ഥി പി കെ കുഞ്ഞാലിക്കുട്ടിയും ആത്മവിശ്വാസത്തിലാണ്.ലീഗിനുണ്ടായിരുന്ന ആഭ്യന്തര പ്രശ്‌നങ്ങളൊക്കെ പരിഹരിച്ച ആശ്വാസത്തിലും.

ഇരു പാര്‍ട്ടികളില്‍ ആരു ജയിച്ചാലും നേരിയ ഭൂരിപക്ഷത്തിലായിരിക്കുംഎന്ന് സിപിഎം നേതവ് ടികെഹംസ പറഞ്ഞു. ചിലയിടങ്ങളില്‍ വോട്ടിംഗ് മെഷീന്‍ തകരാറിനെ തുടര്‍ന്ന് പോളിംഗ് ബൂത്തില്‍ വന്‍ നിരയാണ് രൂപപ്പെട്ടിരിക്കുന്നത്. ഏപ്രില്‍ 17 ന#ാണ് വോട്ടെണ്ണല്‍