സ്റ്റോക്‌ഹോമില്‍ ഭീകരാക്രമണം:മൂന്നു പേര്‍ കൊല്ലപ്പെട്ടു,ഒരാള്‍ക്ക് പരിക്ക്

വീണ്ടും ലോകത്തെ നടുക്കിസ്വീഡനിലും ഭീകരാക്രമണം.ആള്‍ക്കൂട്ടത്തിലേക്ക് വാഹനമിടിച്ചു കയറ്റി.മൂന്നൂ പേര്‍ കൊല്ലപ്പെട്ടു .ഒരാള്‍ക്കു പരിക്ക്.സംഭവം ഭീകരാക്രമണമാണെന്ന് സ്വീഡിഷ് പ്രധാനമന്ത്രി സ്റ്റെഫാന്‍ ലോഫ്മാന്‍ സ്ഥിരീകരിച്ചുസ്വീഡന്‍ നഗരത്തിലെ തിരക്കേറിയ ക്വീന്‍സ് സ്ട്രീറ്റില്‍ .പ്രാദേശിക സമയം ഉച്ചകഴിഞ്ഞ് മൂന്നു മണിയോടെയാണ് ആക്രമണം നടന്നത്.

നഗരത്തില്‍ മറ്റൊരു പ്രദേശത്ത് വെടിയൊച്ച കേട്ടതായും റിപ്പോര്‍ട്ടുകളുണ്ട്.എന്നാല്‍ ഇരു സംഭവങ്ങളും തമ്മിലുള്ള ബന്ധം സ്ഥിരീകരിച്ചിട്ടില്ല.ആക്രമണത്തെ തുടര്‍ന്ന് നഗരം പൂര്‍ണമായും സുരക്ഷാ വലയത്തിലാണ്.പൊതുഗതാഗതം നിര്‍ത്തിവെച്ചു.നഗരത്തിലേക്കുള്ള പ്രദേശവാസികളുടെ യാത്ര ഒഴിവാക്കണമെന്ന നിര്‍ദ്ദേശവും സുരക്ഷാ ഉദ്യോഗസ്ഥര്‍ നല്‍കിയിട്ടുണ്ട്. സ്വീഡനിലെ ഇന്‍ഡ്യന്‍ എംബസിയോട് ചേര്‍ന്നാണ് ആക്രമണം നടന്നത്.ആക്രമണത്തില്‍ പ്രധാനമന്ത്രി നരേന്ദ്രമോദി അപലപിച്ചു.