‘ആരു വോട്ട് തന്നാലും ഞാന്‍ വാങ്ങിക്കും’എം ബി ഫൈസല്‍

മലപ്പുറം ലോക സഭാ മണ്ഡലത്തില്‍ ഫാസിസത്തെ എതിര്‍ക്കാന്‍ എതു ചെറിയ രാഷ്ട്രീയ പാര്‍ട്ടിയുടെ വോട്ടും സ്വീകരികകുമെന്ന് ഇടതുമുന്നണി സ്ഥാനാര്‍ത്ഥി എം ബി ഫൈസല്‍ വ്യക്തമാക്കി. മണ്ഡലത്തില്‍ നിര്‍ണ്ണായക സ്വാധീനമുള്ള ചില ചെറിയ പാര്‍ട്ടികള്‍ ഇത്തവണ തിരഞ്ഞെടുപ്പില്‍ മല്‍സരിക്കുന്നില്ലന്ന കാര്യം ശ്രദ്ധയിപ്പെടുത്തിയപ്പോഴാണ് താന്‍ ആരുടെവോട്ടും സ്വീകരിക്കുമെന്ന് ഫൈസല്‍ വ്യക്തമാക്കിയത്. കഴിഞ്ഞ തിരഞ്ഞെടുപ്പില്‍ അടക്കം മികച്ചരീതിയില്‍ പ്രവര്‍ത്തനം നടത്തിയ എസ് ഡി പി ഐ , പോപ്പുലര്‍ ഫ്രണ്ട് അടക്കം പ്രസ്ഥാനങ്ങള്‍ ഇത്തവണ പ്രത്യക്ഷമായി രംഗത്തില്ല. ഇതിനിടെ ജമാത്തിയുടെ പിന്‍തുണ നേടിയെടുക്കാന്‍ കുഞ്ഞാലിക്കുട്ടി നടത്തിയ നീക്കം മണ്ഡലത്തില്‍ വിജയിച്ചിട്ടില്ല. അതിനിടയിലാണ് താന്‍ ആരുടെയും പിന്‍തുണയും വോട്ടും ജയത്തിനായി സ്വീകരികകുമെന്ന് ഇടതുമുന്നണി സ്ഥാനാര്‍ത്ഥി പരസ്യമായി പ്രഖ്യാപിച്ചിരിക്കുന്നത്. ഇതാദ്യമായിട്ടാണ് ഇത്തരം ഒരു പ്രഖ്യാപനം സി പി എം സ്ഥാനാര്‍ത്ഥികളില്‍ നിന്ന് വരുന്നത് , കഴിഞ്ഞ തിരഞ്ഞെടുപ്പില്‍ ഭൂരിപക്ഷ ന്യൂനപക്ഷ വര്‍ഗീയത ദോഷമാണന്ന നിലപാട് പരസ്യമായി പ്രഖ്യാപിച്ചായിരുന്നു സി പി എം മല്‍സരിച്ചിരുന്നത്. കേരളകൗമുദി പ്രസിദ്ധീകരിച്ച അഭിമുഖത്തിലാണ് തന്റെ നിലപാട് എം ബി ഫൈസല്‍ പ്രഖ്യാപിച്ചിരിക്കുന്നത്. എന്തുകൊണ്ട് തനിക്ക് എല്ലാ ചെറിയ പാര്‍ട്ടികളും വോട്ടു ചെയ്യണമെന്ന് അഭിമുഖത്തില്‍ സ്ഥാനാര്‍ത്ഥി വ്യക്തമാക്കുന്നുണ്ട് അതിങ്ങനെ . കഴിഞ്ഞ തവണ മത്സരിച്ച ചെറിയ പാര്‍ട്ടികളൊന്നും ഇത്തവണ രംഗത്തില്ലല്ലോ എന്തുകൊണ്ട് സ്ഥാനാര്‍ത്ഥിയെ നിര്‍ത്തിയില്ലെന്നത് അറിയില്ല. എല്ലാ വോട്ടര്‍മ്മാരുടേയും വോട്ട് തനിക്ക് വേണം. ആരുടേയും വോട്ട് വേണ്ടെന്ന് പറയില്ല. ന്യൂനപക്ഷങ്ങള്‍ മതേതര കൂട്ടായ്മയില്‍ അണിനിരക്കുകയാണ് വേണ്ടത്. സമൂഹം നേരിടുന്ന വലിയ പ്രശ്നമാണ് വര്‍ഗീയതും ഫാസിസവും. ഫാസിസത്തെ നേരിടാനോ ചെറുത്തു തോല്‍പ്പിക്കാനോ മുസ്ലിം ലീഗിനാവില്ലന്നും ഇതില്‍ വ്യ്തമാക്കുന്നുണ്ട്.