മലയാളി സര്‍ സിപിയെ സ്നേഹിച്ചു എസ് ബി ടി യിലൂടെ

എസ് ബി ടി ഇന്ന് യാത്ര പറയുമ്പോള്‍ ആരും ഓര്‍ക്കുന്നില്ല സര്‍ സി പി എന്ന ക്രാന്തദര്‍ശിയെ . തിരുവിതാം കൂറില്‍ വട്ടിപ്പലിശകകാര്‍ രാജകുടുബത്തിനേക്കാള്‍ വലിയ ധനശക്തിയായി മാറുന്നു , ബാങ്കുകളിലൂടെ പലരും ഭരണകൂടത്തെക്കാള്‍ വലിയ മ്പത്ത് സമഹരിക്കുന്ന എന്ന തിരിച്ചറിവില്‍ നിന്ന് ദിവാന്‍ തുടക്കമിട്ട ആലോചനകളാണ് ഇന്ന് ലയിച്ച് ഇല്ലാതാകുന്ന കേരളത്തിലെ വലിയ ബാങ്ക്.

അറിയുന്ന തിരുവിതാംകൂര്‍ ചരിത്രത്തില്‍ രാജകുടുംബത്തോട് വെല്ലുവിളിച്ചിട്ടുള്ളത് , സമ്പത്ത് കയ്യടക്കിയിരുന്ന ഭൂപ്രഭുമക്കന്‍മാര്‍ ആയിരുന്നു. തമിഴ്നാട്ടില്‍ നിന്ന് എത്തിയ വട്ടിപ്പലിശക്കാരും, കൊച്ചിയിലെയും, മലബാറിലെയും പണക്കാരുടെ പിന്‍തുണയോടെ എത്തിയ ബാങ്കുകളും തിരുവിതാം കൂറിന്റെ സാമ്പത്തിക സാമ്രാജ്്യത്തില്‍ അധികാരം സ്ഥാപിച്ച് തുടങ്ങിയപ്പോഴാണ് സി പി രാജകുടുബത്തെ മുന്‍ നിര്‍ത്തി സ്വന്തം ബാങ്കെന്ന പദ്ധതി മുന്നോട്ടു വച്ചത്. വളര്‍ന്നു വന്ന സ്വകാര്യ ബാങ്കുകളെ പൂട്ടിച്ചും പൊട്ടിച്ചു ട്രാവകൂര്‍ ബാങ്കിനെ വളര്‍ത്തിയപ്പോള്‍ കേരളം കണ്ടത് മികച്ച ഭരണാധികാരിയുടെ തന്ത്രപരമായ നീക്കത്തെയായിരുന്നു. സി പി യെ വെട്ടി നാടു കടത്തി എന്ന് അവകാശപ്പെടുന്നവര്‍ക്ക് പുതിയ ബാങ്കിങ്ങ സംസകാരത്തിന്റെ കാലത്ത് പകരം ഒരു കേരള ബാങ്ക് ഇതുവരെ കണ്ടത്താന്‍ സാധിച്ചിട്ടില്ല.

ബാങ്കുകള്‍ തുടങ്ങാന്‍ പണമോ മറ്റു സൗകര്യങ്ങളോ ഇല്ലാതിരുന്ന കാലത്താണ്‌ രാജ്യത്തെ ജനങ്ങള്‍ക്ക് വികസനം വേണം എന്ന് കാഴ്ച്ചപ്പാടില്‍ സി പി ബാങ്കുമായി എത്തുന്നത്. സി പി ദേശിയതയ്ക്ക് എതിരായി എന്ന കുറ്റം ചുമത്തി തുരത്തിട്ടും ആ വികസന സ്വപനങ്ങള്‍ക്കൊപ്പം എത്താന്‍ ഇതുവരെ കേരളം ഭരിച്ച ഭരണാധികാരികള്‍ക്ക് കഴിഞ്ഞിട്ടില്ല.

സുഗന്ധ വ്യഞ്ജന കയറ്റുമതി, തുറമുഖങ്ങളുടെ വിനയോഗം മല്‍സ്യ സമ്പത്ത്, ധാതുമണല്‍ സംസ്‌കരണം എന്നിവയെല്ലാം സിപിയുടെ സ്വപ്ന പദ്ധതികളായിരുന്നു. അതിലൊക്കെ ചുറ്റിപറ്റി നില്‍ക്കുകയാണ് ഇന്നും കേരളത്തിലെ ബജറ്റ് പ്രസംഗങ്ങള്‍ . എസ് ബി ടി ഇല്ലാതാകുമ്പോള്‍ നമ്മള്‍ക്ക് ഒരു നിമിഷം സിപി യെ ഓര്‍മ്മിക്കാം ചെറിയ കുറ്റബോധത്തോടെ