യു കെയില്‍ പിഞ്ചു കുഞ്ഞിനെ കൊന്ന കേസില്‍ ഇന്‍ഡ്യന്‍ വംശജനായ പിതാവ് പിടിയില്‍

ഒരു വയസു മാത്രം പ്രായമുള്ള കുഞ്ഞിനെ കൊല്ലുകയും(ഗബ്രിയേല്‍) അവന്റെ ഇരട്ട സഹോദരിയെ(മരിയ) കൊലപ്പെടുത്താന്‍ ശ്രമിക്കുകയും ചെയ്ത സംഭവത്തില്‍ കുട്ടികളുടെ പിതാവും ഇന്‍ഡ്യന്‍ വംശജന്‍ യു കെയില്‍ പിടിയില്‍.ഇന്‍ഡ്യന്‍ വംശജനയാ ബിന്‍ഡ്യാ സാഗര്‍ ദാസാണ് (33) ലണ്ടനിലെ ഫിന്‍സ്‌ബെറി പാര്‍ക്കിലെ ഫ്‌ലാറ്റിലാണ് ഈ ദാരുണ സംഭവം നടന്നത്

ഞായറാഴ്ചയാണ് ഇയാള്‍ കുട്ടികളെ ചുറ്റികകൊണ്ട് അപായപ്പെടുത്താന്‍ ശ്രമിച്ചത്.ആണ്‍കുട്ടി സംഭവസ്ഥലത്തു തന്നെ മരിച്ചു.ഗുരുതരമായി പരിക്കേറ്റ പെണ്‍കുട്ടി മരിയയെ ആശുപത്രിയിലെ തീവ്രപരിചരണ വിഭാഗത്തില്‍ പ്രവേശിപ്പിച്ചിരിക്കുകയാണ്. കൊലപാതകത്തിനു ശേഷം കടന്നു കളഞ്ഞ ഇയാളെ ഇരുപതു മണിക്കൂര്‍ നീണ്ട തിരച്ചിലിനൊടുവിലാണ് പൊലീസ് അറസ്റ്റു ചെയ്തത്.ഇയാളെ തെയിംമ്‌സ് മജിസ്‌ട്രേറ്റ് കോടതിയില്‍ ഹാജരാക്കി.

സംഭവത്തേ കുറിച്ച് പൊലീസിന്റെ വിശദീകരണം ഇതാണ്.ഇന്‍ഡ്യന്‍ വംശജനും കൊലപാതികിയുമായ ഇയാള്‍ റൊമാനിയന്‍ വംശജയെയാണ് വിവാഹം കഴിച്ചിരിക്കുന്നത്.ഇവര്‍ക്ക് ഇരട്ടകുട്ടികളാണുള്ളത്.സംഭവസമയത്ത് ബാത്‌റൂമിലായിരുന്ന കുട്ടികളുടെ അമ്മയെ പൂട്ടിയിട്ട ശേഷമാണ് ചുറ്റികകൊണ്ട് കുട്ടികളുടെ തലയ്ക്കടിക്കുന്നത്.തുടര്‍ന്ന് ഇയാള്‍ രക്ഷപെടുകയായിരുന്നു.ഹോട്ടലിലെ റിസപ്ഷനിസ്റ്റായിരുന്ന ഇയാള്‍ക്ക് സംഭവത്തിനു രണ്ടു ദിവസം മുന്‍പ് ജോലി നഷ്ടമായിരുന്നു.