ഉത്തര്‍പ്രദേശിലും ബിജെപി,പഞ്ചാബില്‍ കോണ്‍ഗ്രസ്,ഭുരിപക്ഷം ലഭിച്ചില്ലെങ്കിലും ഗോവയും മണിപ്പൂരും ബിജെപി ഭരിച്ചേക്കുമെന്നാണ് ഇപ്പോള്‍ വരുന്ന സൂചനകള്‍.

മോദി പ്രഭാവത്തില്‍ ഉത്തര്‍പ്രദേശില്‍ ബിജെപി ഭരണത്തിലെത്തി.മുന്നൂറിലധികം സീറ്റാണ് ബിജെപിയ്ക്ക് യു പിയില്‍ ലഭിക്കുന്നത്.മൂന്നില്‍ രണ്ടു ഭൂരിപക്ഷം നേടിയാണ് ബിജെപി അധികാരത്തിലെത്തുന്നത്.ഉത്തരാഖണ്ഡില്‍ കഴിഞ്ഞ തവണ ഭരിച്ച കോണ്‍ഗ്രസിനെ തൂത്തുവാരിയാണ് ബിജെപി അധികാരത്തിലെത്തുന്നത്.എസ്-പി കോണ്‍ഗ്രസ് സഖ്യവും ,ബിഎസ്പി യും നിലപരിശായ കാഴ്ചയാണ് തെരഞ്ഞെടുപ്പ് ചിത്രം തരുന്നത്.അതായത് 70 അംഗ നിയമസഭയില് 57 സീറ്റ് ബിജെപി നേടി,12 സീറ്റു മാത്രമാണ് കോണ്‍ഗ്രസിനു ലഭിച്ചത്.എന്നാല്‍ രണ്ടു സംസ്ഥാനങ്ങളിലും ആരാകും മുഖ്യമന്ത്രി എന്ന് ഇതുവരെ തീരുമാനമായിട്ടില്ല.

പഞ്ചാബില്‍ അകാലിദള്‍-ബിജെപി സഖ്യത്തെ തച്ചുടച്ച് കോണ്‍ഗ്രസ് അധികാരത്തിലെത്തി.ക്യാപ്റ്റന്‍ അമരീന്ദര്‍ സിങായിരിക്കും പഞ്ചാബില്‍ മുഖ്യമന്ത്രിയാകുക.ഡല്‍ഹിക്കു പുറത്തേക്ക് വളര്‍ന്ന് പഞ്ചാബില്‍ അധികാരത്തിലെത്തുമെന്നു കരുതിയ ആം ആദ്മി പാര്‍ട്ടി അവിടെ രണ്ടാമതെത്തി.

ഭൂരിപക്ഷം തെളിയിച്ചില്ലെങ്കിലും ഗോവയും മണിപ്പൂരും ബിജെപി ഭരിക്കുമെന്നാണ് ബിജെപി ദേശീയ അധ്യക്ഷന്‍ അമിത് ഷാ നല്‍കുന്ന സൂചനകള്‍.ഗോവയില്‍ മുഖ്യമന്ത്രി ലക്ഷ്മി കാന്ത് പര്‍സേര്‍ക്കര്‍ തോറ്റു.ഉത്തരാഖണ്ഡില്‍ കോണ്‍ഗ്രസ് മുഖ്യമന്ത്രി സ്ഥാനാര്‍ത്ഥി ഹരീഷ് റാവത്ത് മല്‍സരിച്ച രണ്ടു മണ്ഡലങ്ങളിലും തോറ്റു.മണിപ്പൂരിന്റെ സമരനായിക ഇറോം ശര്‍മ്മിളയും തോല്‍വി ഏറ്റു വാങ്ങി.