പൗരാവകാശങ്ങള്‍ക്കായി നീണ്ട നിരാഹാരം : ജനവിധി തേടിയപ്പോള്‍ വന്‍പരാജയം ; കന്നി അങ്കത്തില്‍ ഇറോം ശര്‍മ്മിളയ്ക്ക് കനത്ത തിരിച്ചടി

പൗരാവകാശങ്ങള്‍ നേടിയെടുക്കുന്നതിനായി പതിനാറ് വര്‍ഷം നീണ്ട നിരാഹാരം നടത്തി ശ്രദ്ധനേടിയ ഇറോം ശര്‍മ്മിളയ്ക്ക് കന്നി അങ്കത്തില്‍ തന്നെ കനത്ത തിരിച്ചടിയാണ് നേരിടേണ്ടി വന്നത്. പീപ്പിള്‍സ് റിസര്‍ജന്‍സ് ആന്‍ഡ് ജസ്റ്റിസ് അലയന്‍സ് എന്ന പാര്‍ട്ടി രൂപീകരിച്ചാണ് ഇറോം മത്സരിച്ചത്. തെരഞ്ഞേടുപ്പ് പ്രചരണാര്‍ത്ഥം ഒറ്റയ്ക്ക് അവര്‍ സൈക്കിള്‍ യാത്രയും നടത്തി. രാഷ്ട്രീയത്തില്‍ ഇറങ്ങാനുള്ള അവരുടെ തീരുമാനത്തോട് ജനങ്ങള്‍ക്ക് അത്ര തല്‍പ്പര്യം പോരായിരുന്നു എന്ന് വേണം ഈ വിധിയിലൂടെ മനസ്സിലാക്കാന്‍. കൂടെ ഉണ്ടായിരുന്നവര്‍ പോലും അവരെ പിന്‍തുണച്ചില്ല എന്ന് വേണം കരുതാന്‍.

തൗബാര്‍ മണ്ഡലത്തില്‍ മുഖ്യമന്ത്രിയും കോണ്‍ഗ്രസ് നേതാവുമായ ഒക്രോം ഇബോബി സിങ്ങിനെതിരെയാണ് ഇറോം ശര്‍മ്മിള മത്സരിച്ചത്. ഒക്രോം 18,649 വോട്ട് നേടിയപ്പോള്‍ ഇറോമിന് 90 വോട്ട് മാത്രമാണ് ലഭിച്ചത്.