വാളയാര്‍ പീഡനം,രണ്ടുപേര്‍ പിടിയില്‍

വാളയാറില്‍ സഹോദരിമാരായ പതിനൊന്നും എട്ടും വയസുള്ള കുട്ടികള്‍ ദുരൂഹ സാഹചര്യത്തില്‍ മരിച്ച സംഭവത്തില്‍ രണ്ടുപേര്‍ അറസ്റ്റിലായി.അട്ടപ്പള്ളത്ത് മധു(27),ഇടുക്കി രാജാക്കാട് സ്വദേശി ഷിബു(43)എന്നിവരാണ് പൊലീസ് പിടിയിലായത്.മധു,ഈ കുട്ടികളുടെ അമ്മയുടെ ചെറിയച്ഛന്റെ മകനും,ഷിബു കുട്ടികളുടെ അച്ഛന്റെ സുഹൃത്തുമാണ്.

കേസന്വേഷണത്തില്‍ വീഴ്ച വരുത്തിയതിന് കസബ എസ് ഐ പി സി ചാക്കോയെ സസ്‌പെന്‍ഡ് ചെയ്തു.രണ്ടു ഡിവൈഎസ്പിമാര്‍,രണ്ടു സി ഐ മാര്‍ എന്നിവര്‍ക്കെതിരെവകുപ്പു തല നടപടിയ്ക്ക് ശുപാര്‍ശ ചെയ്തതായി ഐ ജി എം.ആര്‍ അജിത്കുമാര്‍ അറിയിച്ചു.

പതിമൂന്നും അഞ്ചും വയസ്സുള്ള സഹോദരിമാരില്‍ മൂത്തയാളുടെ പോസ്റ്റുമോര്‍ട്ടം റിപ്പോര്‍ട്ടിലും ഡോക്ടറുടെ മൊഴിയിലും പീഡനം സംബന്ധിച്ച സൂചനയുണ്ടായിട്ടും കേസെടുക്കാനും പ്രതിയെ പിടികൂടാനും നടപടിയുണ്ടായില്ലെന്നാണ് കണ്ടെത്തല്‍. ആരോപണ വിധേയനായ വ്യക്തിയെ കസ്റ്റഡിയിലെടുത്തു വിട്ടയക്കുകയായിരുന്നു. നടപടിയുണ്ടായിരുന്നെങ്കില്‍ ഇളയ കുട്ടിയുടെ മരണം ഒഴിവാക്കാമായിരുന്നു എന്നാണ് വിലയിരുത്തല്‍.