വയനാട് അനാഥാലയ പീഡനം,പ്രതികളെല്ലാവരും കസ്റ്റഡിയില്‍,ഇവര്‍ക്കെതിരെ രജിസ്റ്റര്‍ ചെയ്തത് 11 കേസുകള്‍

വയനാട്ടില്‍ പ്രായപൂര്‍ത്തിയാകാത്ത ഏഴു പെണ്‍കുട്ടികളെ പീഡനത്തിനിരയാക്കിയ കേസില്‍ പ്രതികളെല്ലാവരും കസ്‌റ്ഡിയില്‍.ഇവര്‍ക്കെതിരെ 11 കേസുകള്‍ രജിസ്റ്റര്‍ ചെയ്തു.പീഡനം സ്ഥിരീകരിച്ചുള്ള മെഡിക്കല്‍ റിപ്പോര്‍ട് പൊലീസിനു ലഭിച്ചു.

കുട്ടികള്‍ താമസസ്ഥലത്തേക്കു പോകും വഴി മധുരപലഹാരം നല്‍കാമെന്ന് പറഞ്ഞ് പ്രലോഭിപ്പിച്ചാണ് പീഡിപ്പിച്ചതെന്നാണ് വിവരം.സ്ഥാപനത്തിന്റെ സുരക്ഷാ ജീവനക്കാരനാണ് ഇതു സംബന്ധിച്ച് പൊലീസിനു വിവരം നല്‍കിയത്.ജനുവരി മുതല്‍ ഇത്തരത്തില്‍ പലതവണ പീഡനത്തിനിരയായെന്നാണ് സൂചന.മൊബൈല്‍ ഫോണില്‍ അശ്ലീല വീഡിയോ കാണിച്ചെന്ന പരാതിയുണ്ട്.പീഡന വിവരം പുറത്തു പറഞ്ഞാല്‍ കൊല്ലുമെന്നും ഭീഷണിപ്പെടുത്തിയതായും വിവരമുണ്ട്.തുടര്‍ന്ന് പൊലീസ് ഇടപെട്ട് കുട്ടികളെ കൗണ്‍സിലിംഗിന് വിധേയമാക്കിയാണ് വിവരങ്ങള്‍ പുറത്തുകൊണ്ടുവരുന്നത്.

കുറ്റക്കാര്‍ക്കെതിരെ പോക്‌സോ നിയമപ്രകാരമാണ് കേസെടുത്തിരിക്കുന്നത്.തിരിച്ചറിയല്‍ പരേഡ് നടത്തേണ്ടതുകൊണ്ട് പൊലീസ് കൂടുതല്‍ വിവരങ്ങള്‍ പുറത്തു വിട്ടിട്ടില്ല.