തട്ടിക്കൊണ്ടു പോകല്‍ : നടി ഇന്ന് മാധ്യമങ്ങളെ കാണും

ക്വട്ടേഷന്‍ ഗുണ്ടയുടെ തട്ടിക്കൊണ്ടു പോകലിന് ഇരയായ മലയാളനടി ഇന്ന് മാധ്യമങ്ങളെ കാണും. കഴിഞ്ഞ വെള്ളിയാഴ്ച രാത്രി നടന്ന തട്ടിക്കൊണ്ടുപോകല്‍ സംഭവത്തിന് ശേഷം ഇതാദ്യമായിട്ടാണ് നടി മാധ്യമങ്ങള്‍ക്ക് മുന്നിലെത്തുന്നത്. കേസില്‍ സംഭവത്തിലെ മുഴുവന്‍ പ്രതികളെയും പോലീസ് കഴിഞ്ഞ ദിവസം അറസ്റ്റ് ചെയ്തിരുന്നു. ഇന്ന് 12 മണിക്ക് നടിയുടെ തിരിച്ചറിയല്‍ പരേഡ് നടക്കുമെന്നും വിവരമുണ്ട്. പൃഥ്വിരാജിന്റെ പുതിയ ചിത്രത്തിലാണ് നടി നായികയായി അഭിനയിച്ചു വരുന്നത്. ഈ സിനിമയുടെ ലൊക്കേഷനില്‍ പകല്‍ പത്തുമണിക്ക് ശേഷം മാധ്യമങ്ങളെ കാണുമെന്നാണ് വിവരം. പ്രശ്‌നത്തില്‍ ഇടപെട്ട് പ്രതികളെ എത്രയും വേഗം പിടികൂടിയ പോലീസിന് നന്ദി പറയുന്നതിന് വേണ്ടിയാണ് വാര്‍ത്താസമ്മേളനം നടത്തുന്നതെന്നാണ് വിവരം.