സെക്രട്ടറിയേറ്റ് പടിക്കലെ സത്യാഗ്രഹ വാര്‍ത്ത നിഷേധിച്ച് മഞ്ചുവാര്യരുടെ മാനേജര്‍

നടി ആക്രമിക്കപ്പെട്ട സംഭവുമായി ബന്ധപ്പെട്ട് അന്വേഷണം ഇഴഞ്ഞാല്‍ സെക്രട്ടറിയേറ്റ് പടിക്കല്‍ സത്യാഗ്രഹമിരിക്കുമെന്ന വാര്‍ത്ത നിഷേധിച്ച് മഞ്ചു വാര്യരുടെ മാനേജര്‍.ഇതു സംബന്ധിച്ച് ഒരു ഓണ്‍ലൈനില്‍ വന്ന വാര്‍ത്ത അടിസ്ഥാന രഹിതമാണെന്നാണ് മഞ്ചുവിനോട് അടപ്പമുള്ളവര്‍ നല്‍കുന്നത്.തെറ്റിദ്ധാരണകള്‍ പടര്‍ത്തുന്ന തരത്തിലുള്ള വാര്‍ത്തകള്‍ പടച്ചു വിടുന്നവരുടെ ലക്ഷ്യം അറിയില്ലെന്നും മഞ്ചു അടുത്തവൃത്തങ്ങളോട് പറഞ്ഞു.

ആരുടെയും പേരു പറയാതെയാകും നടി സത്യാഗ്രഹമിരിക്കാന്‍ വരുന്നതെന്നും സിനിമയിലെ ക്വട്ടേഷന്‍ സംഘങ്ങളെക്കെതിരെയാകും നടിയുടെ അടുത്ത നടപടിയെന്നുമൊക്കെയാണ് വാര്‍ത്തകള്‍. കഴിഞ്ഞ ദിവസം നടിക്കു നേരേയുണ്ടായ ആക്രമണത്തില്‍ കുറ്റവാളികള്‍ക്കെതിരെ കര്‍ശന നടപടികള്‍ സ്വീകരിക്കണമെന്ന നിലപാടുമായി മഞ്ചു രംഗത്തു വന്നിരുന്നു.ഇരയായ നടിക്ക് പൂര്‍ണ പിന്തുണ നല്‍കുന്ന തരത്തിലുള്ള ഫേസ് ബുക്ക് പോസ്റ്റും മഞ്ചു ഇട്ടിരുന്നു.

ഇതിനു പിന്നില്‍ മഞ്ചുവിന്റെ സ്വകാര്യ ജീവിതവുമായി ബന്ധപ്പെടുത്തിയൊക്കെയുള്ള കഥകള്‍ പ്രചരിക്കുന്നിതിനടയിലാണ് സത്യാഗ്രഹ വാര്‍ത്തയുമായി ചില ഓണ്‍ലൈന്‍ മാധ്യമങ്ങള്‍ എത്തിയിരിക്കുന്നത്.