അസ്വസ്ഥതകള്‍ ഒഴിയാതെ ഇറാഖ്,ബാഗ്ദാദില്‍ കാര്‍ ബോംബ് സ്‌ഫോടനം ഏഴു പേര്‍ കൊല്ലപ്പെട്ടു

ഇറാഖ് തലസ്ഥാനമായി ബാഗ്ദാദില്‍ ഇന്നലെ നടന്ന കാര്‍ബോംബ് സ്‌ഫോടനത്തില്‍ ഏഴു പേര്‍ കൊല്ലപ്പെട്ടതായും പതിനഞ്ചു പേര്‍ക്ക് പരിക്കേറ്റതായും വാര്‍ത്താ ഏജന്‍സി റിപ്പോര്‍ട് ചെയ്തു.വലിയ ശബ്ദത്തോടെ പൊട്ടിത്തെറിച്ച സ്‌ഫോടനത്തില്‍ സമീപത്തുള്ള വീടുകള്‍ക്കും കടകള്‍ക്കും കേടുപാടുകളുണ്ട്.എന്നാല്‍ സ്‌ഫോടനത്തിന്റെ ഉത്തവാദിത്വം ഒരു ഭീകരസംഘടനയും ഏറ്റെടുത്തിട്ടില്ല.

ഇന്നലെ വൈകീട്ടാണ് സ്‌ഫോടനം നടന്നത്.കാറില്‍ കെട്ടിവെച്ചിരുന്ന ബോംബ് പൊട്ടിത്തെറിച്ചാണ് അപകടം ഉണ്ടായതെന്ന് കരുതുന്നതായാണ് വാര്‍ത്താ ഏജന്‍സി റിപ്പോര്‍ട് ചെയ്യുന്നത്.

ഈ വര്‍ഷം ജനുവരി മുതല്‍ ഭീകരരുടെ ആക്രമണത്തില്‍ 382 പേര്‍ക്ക് ജീവന്‍ നഷ്ടപ്പെടുയും 908 പേര്‍ക്ക് പരിക്കേറ്റതായും യു എന്‍ റിപ്പോര്‍ട് ചെയ്തിരിക്കുന്നത്.ഇറാഖിലെ മൊസൂള്‍ ഇസ്ലാമിക് സ്റ്റേറ്റ് ഭീകരരുടെ താവളമാണ്.