അഭിഭാഷകന്‍ ട്രെയിനില്‍നിന്നു വീണു മരിച്ചു

കാസര്‍ഗോഡ്: ഭാര്യയോടും മക്കളോടൊപ്പം ക്ഷേത്രദര്‍ശനം കഴിഞ്ഞു മടങ്ങുകയായിരുന്ന അഭിഭാഷകന്‍ ട്രെയിനില്‍നിന്നു വീണു മരിച്ചു. തൃശൂര്‍ അവണൂര്‍ വെളപ്പായ മണിത്തറ കാര്‍ത്തിക മന്ദിറിലെ കെ.ആര്‍.വത്സന്‍ (77) ആണ് മരിച്ചത്. ബേക്കല്‍ ഉദുമ നമ്പ്യാര്‍ കീച്ചിലില്‍ റെയില്‍വേ പാളത്തിലാണു ഇദ്ദേഹത്തെ മരിച്ച നിലയില്‍ കണ്ടെത്തിയത്. കുടുംബസമേതം വെള്ളിയാഴ്ച കൊല്ലൂര്‍ മൂകാംബിക ക്ഷേത്ര ദര്‍ശനത്തിനായി പോയതായിരുന്നു. ഇന്നലെ രാത്രി ട്രെയിനില്‍ മടങ്ങുന്നതിനിടെയാണ് അപകടമുണ്ടായത്. 10 പേരടങ്ങിയ സംഘം പല കംപാര്‍ട്ട്‌മെന്റുകളിലായി കിടന്നുറങ്ങുകയായിരുന്നു. ബേക്കലില്‍ എത്തിയപ്പോള്‍ ഒരു യാത്രക്കാരന്‍ ട്രെയിനില്‍നിന്നു വീണ വിവരം സുരക്ഷാ ഉദ്യോഗസ്ഥരാണു യാത്രക്കാരെ അറിയിച്ചത്. പിന്നിടാണ് വത്സനെ സീറ്റില്‍ കാണാതായത് ഇവരുടെ ശ്രദ്ധയില്‍പ്പെട്ടത്. തുടര്‍ന്നു നടത്തിയ തിരച്ചലിലാണു മൃതദേഹം കണ്ടെത്തിയത്. കാസര്‍ഗോഡ് ജനറല്‍ ആശുപത്രിയില്‍ പോസ്റ്റുമോര്‍ട്ടം നടത്തി. സ്വദേശത്തേക്കു കൊണ്ടു പോയി. ഭാര്യ. ഡോ.ഭാര്‍ഗവി വത്സന്‍. മക്കള്‍: രമ്യ (ഓസ്‌ട്രേലിയ), രശ്മി. മരുമക്കള്‍: അഭിലാഷ്, ബിജുരാജ്. സഹോദരങ്ങള്‍. ഡോ.ആനന്ദന്‍, സരസന്‍, ബേബി.