ശിവദാസമേനോന്‍ : മലപ്പുറത്തിന് മറക്കാനാവാത്ത നേതാവ്

മഞ്ചേരി : ടി.ശിവദാസന്‍ മേനോന്‍ യാത്രയാകുന്നത് മലപ്പുറത്തിന്റെ രാഷ്ട്രീയ ഭൂമികയിലും ഒത്തിരി നല്ല ഓര്‍മകള്‍ ബാക്കിവെച്ച്. ഭരണാധികാരിയായും പാര്‍ട്ടി പ്രവര്‍ത്തകനായും പ്രഭാഷകനായും മലപ്പുറത്ത് സ്ഥിരം സാന്നിധ്യമായി. പാലക്കാട്ടു നിന്നെത്തി മലപ്പുറത്തിന്റെ മുക്കിലും മൂലയിലും പാര്‍ട്ടി പ്രവര്‍ത്തനവുമായി അദ്ദേഹം സജീവമായി. മികച്ച സംഘാടകന്‍, പ്രഭാഷകന്‍, ഭരണാധികാരി, അധ്യാപകന്‍ തുടങ്ങിയ മേഖലകളിലെ പ്രവര്‍ത്തനങ്ങളിലെല്ലാം ജില്ലക്ക് പ്രത്യേക പരിഗണന കല്‍പ്പിച്ചു. ഇടതുപക്ഷ അധ്യാപക സംഘടനയായ കേരള പ്രൈവറ്റ് ടീച്ചേഴ്‌സ് യൂനിയന്‍ (കെ.പി.ടി.യു) സ്ഥാപക നേതാവായിരുന്ന അദ്ധേഹം അധ്യാപകര്‍ക്കിടയില്‍ സംഘടന പാടവം പകര്‍ന്നു നല്‍കാനും സംഘടനയെ കെട്ടിപ്പടുക്കാനും അഹോരാത്രം പരിശ്രമിച്ചു. ജില്ലയില്‍ സി.പി.ഐ.എമ്മിന്റെ വളര്‍ച്ചയിലും നയരൂപീകരണത്തിലും നിര്‍ണായക ഘടകമായി അദ്ദേഹം മാറി. പാര്‍ട്ടിയുടെ ദൈനംദിന പ്രവര്‍ത്തനങ്ങളില്‍ പോലും അദ്ദേഹത്തിന്റെ ഇടപെടല്‍ ഉണ്ടായി. രാഷ്ട്രീയ, വികസന മേഖലകളില്‍ ജില്ലയുമായി അടുപ്പം സൂക്ഷിച്ച ശിവദാസന്‍ മേനോന്‍ 15 വര്‍ഷം മുമ്പാണ് മഞ്ചേരിയില്‍ മകളുടെ വീട്ടില്‍ സ്ഥിരതാമസമാക്കിയത്. ഇവിടെ പ്രിയ പത്‌നി ഭവാനിയുടെ ശവകൂടിരത്തിനരികിലാണ് അദ്ദേഹത്തിനും അന്ത്യനിദ്രക്ക് ഇടം ഒരുക്കുന്നത്. 1987 ല്‍ കന്നിയങ്കത്തില്‍ തന്നെ വിജയിച്ച് ഇ.കെ നായനാരുടെ മന്ത്രിസഭയില്‍ വൈദ്യുതി മന്ത്രിയായപ്പോള്‍ മലപ്പുറം ജില്ലയുടെ വോള്‍ട്ടേജ് ക്ഷാമത്തിന് പരിഹാരം ലക്ഷ്യമിട്ട് അദ്ദേഹത്തിന്റെ കാലത്ത് നിലമ്പൂര്‍, അരീക്കോട്, കിഴിശ്ശേരി സബ് സ്റ്റേഷനുകള്‍ അനുവദിച്ചു. 1996 - 2001 കാലഘട്ടത്തില്‍ രണ്ടാം നായനാര്‍ മന്ത്രിസഭയില്‍ ധനകാര്യവകുപ്പ് കൈകാര്യം ചെയ്തപ്പോഴും മലപ്പുറത്തിന് പ്രത്യേക പരിഗണന കല്‍പ്പിച്ചു. ധനമന്ത്രി ആയിരുന്ന കാലത്ത് നടത്തിയ പരിഷ്‌ക്കരണം ജീവനക്കാര്‍ക്കും അദ്ധ്യാപകര്‍ക്കും പെന്‍ഷന്‍കാര്‍ക്കും ഒട്ടേറെ ആനുകൂല്യങ്ങള്‍ക്ക് ലഭ്യമാക്കി. ഡിസി ആര്‍ജിക്ക് ശമ്പളത്തിനൊപ്പം ഡിഎ അനുദിച്ചത്, പാര്‍ട്‌ടൈംകാര്‍ക്കും സറണ്ടര്‍ ഉദാരമായ ഗ്രേഡ് വ്യവസ്ഥകള്‍, അദ്ധ്യാപകര്‍ക്ക് ശമ്പള സ്‌കെയില്‍ വര്‍ദ്ധിപ്പിച്ചത്, സര്‍ക്കാര്‍ ജീവനക്കാര്‍ക്ക് വാരിക്കോരിക്കൊടുത്തതിനാല്‍ ഖജനാവ് കാലിയായെന്ന തുടര്‍ന്ന് വന്ന സര്‍ക്കാരിന്റെ വിമര്‍ശനം ശരിക്കും അദ്ദേഹത്തിനുള്ള അംഗീകാരം തന്നെ