‘കേരളത്തിലെ ജനങ്ങള്‍ക്കൊപ്പം നില്‍ക്കുകയാണ് വേണ്ടത്’ കെ റെയില്‍ വിഷയത്തില്‍ വി മുരളീധരന് മറുപടിയുമായി മുഹമ്മദ് റിയാസ്

കെ റെയില്‍ സില്‍വര്‍ലൈന്‍ വിഷയത്തില്‍ കേരളത്തിലെ ജനങ്ങള്‍ക്കൊപ്പം നില്‍ക്കുകയാണ് വേണ്ടതെന്ന് മന്ത്രി പി എ മുഹമ്മദ് റിയാസ്. കെ റെയില്‍ വിഷയത്തില്‍ കേന്ദ്രസഹമന്ത്രി വി മുരളീധരന് മറുപടിയുമായി രംഗത്തെത്തുകയായിരുന്നു മന്ത്രി മുഹമ്മദ് റിയാസ്. കുതിരാന്‍ വിഷയത്തിലും സംസ്ഥാനത്തെ എതിര്‍ക്കുന്ന നടപടി വി മരളീധരനില്‍ നിന്നുണ്ടായി. അന്നും കേരളത്തില്‍ നിന്നുള്ള മന്ത്രിമാര്‍ മറുപടി പറഞ്ഞിട്ടില്ല എന്നും മുഹമ്മദ് റിയാസ് പ്രതികരിച്ചു. വികസനവിഷയത്തില്‍ അദ്ദേഹം കേരളത്തിലെ ജനങ്ങള്‍ക്കൊപ്പം നില്‍ക്കുകയാണ് വേണ്ടത്. വികസന കാര്യത്തെകുറിച്ച് കേരളത്തില്‍ നിന്നുള്ള കേന്ദ്രമന്ത്രി ഇത് വരെ സംസാരിക്കുന്നത് കേട്ടിട്ടില്ല എന്നും മുഹമ്മദ് റിയാസ് പറഞ്ഞു. വി മുരളീധരനെതിരെ വിമര്‍ശനവുമായി വിദ്യാഭ്യാസമന്ത്രി വി ശിവന്‍കുട്ടിയും രം?ഗത്തെത്തിയിരുന്നു . വി മുരളീധരന്‍ സംസ്ഥാന സര്‍ക്കാര്‍ വാഹനവും പൊലീസ് സംവിധാനവും ഉപയോഗിച്ച് ബി ജെ പിയുടെ സമരം നടത്താന്‍ പോകുന്നു. ഇത് വളരെ മോശം കാര്യമാണ് എന്നും ശിവന്‍കുട്ടി അഭിപ്രായപ്പെട്ടു.കേന്ദ്ര മന്ത്രി എന്ന നിലയില്‍ ഒരു മൊട്ടുസൂചിയുടെ പ്രയോജനം പോലും കേരളത്തിന് വേണ്ടി വി മുരളീധരന്‍ ചെയ്യുന്നില്ലെന്നും വി ശിവന്‍കുട്ടി അഭിപ്രായപ്പെട്ടു.