ലീഗിന് തിരിച്ചടി ഇടതു മുന്നണിക്ക് നേട്ടം

മുസ്‌ളീം സംഘടനകളുടെ എകീകരണം ലക്ഷ്യമിട്ട് ലീഗ് നടത്തിയ നീക്കം സി പി എം ഇടപെടീലിൽ പാടെ തകർന്നു. ബി ജെ പിക്ക് കരുത്ത് പകരും ലീഗിന്റെ നീക്കം എന്ന നിലപാടിൽ മുസ്‌ളീം സമുദായത്തിലെ പ്രമുഖർ രംഗത്തു വന്നതും അവരെ വെട്ടിലാക്കിയിരിക്കുകയാണ്. സമസ്ത സമരത്തിനില്ലെന്നും ഒരു പാർട്ടിയോടും അകലമില്ലെന്നും ജിഫ്രി മുത്തുകോയ തങ്ങൾ പറഞ്ഞു. സമസ്ത നേരത്തെയും സമരം പ്രഖ്യാപിച്ചിട്ടില്ലെന്ന് ജിഫ്രി തങ്ങൾ പറഞ്ഞു. സമസ്തയെ സംബന്ധിച്ചിടത്തോളം സമരം എന്നൊരു സംഗതിയില്ലെന്നും ജിഫ്രി തങ്ങൾ മാധ്യമങ്ങളോട് പറഞ്ഞു. ലീഗിന്റെ റാലി രാഷ്ട്രീയ റാലിയാണെന്നും അതിൽ പങ്കെടുക്കുന്നത് ലീഗുകാരാണ് തീരുമാനിക്കേണ്ടതെന്നുമാണ് നിലവിൽ മറ്റു സംഘടനകളുടെ നിലപാട്. പൊതുകോർഡിനേഷൻ കമ്മിറ്റിയെന്നത് സമസ്തക്കില്ലെന്നും അത് ആവശ്യം വരുമ്പോൾ തങ്ങന്മാരൊക്കെ വിളിക്കുമ്പോൾ കൂടി ചർച്ച ചെയ്യാമെന്നുമാണ് സമസ്ത വ്യക്തമാക്കുന്നത്. വഖഫ് നിയമനങ്ങൾ പിഎസ് സിക്ക് വിടാനുള്ള തീരുമാനത്തിൽ വിശദമായ ചർച്ച നടത്തുമെന്നും അത് വരെ തൽസ്ഥിതി തുടരുമെന്നും മുഖ്യമന്ത്രി ഇന്നലെ വ്യക്തമാക്കിയിരുന്നു. ശുഭപ്രതീക്ഷയുണ്ടെന്നും നിയമം റദ്ദാക്കണമെന്നും സമസ്ത നേതാക്കൾ ആവശ്യപ്പെട്ടു. വഖഫ് നിയമനവിവാദത്തിൽ ലീഗ് അടക്കമുള്ള സംഘടനകൾ വമ്പൻ സംയുക്ത സമരത്തിലേക്ക് നീങ്ങുന്നതിനിടെയാണ് സമസ്തയുടെ പിന്മാറ്റം. പി.എസ്.സിക്ക് വിടാനുള്ള തീരുമാനം നവംബർ 9ന് സഭയിൽ പാസാക്കി ഗവർണർ ഒപ്പിട്ട് 14ന് ഗസറ്റ് വിജ്ഞാപനം ഇറക്കി. പിഎസ് സി നിയമനത്തിൽ വഖഫ് ബോർഡാണ് തീരുമാനമെടുത്തതെന്നും സർക്കാരിന്റെ നിർദേശമായിരുന്നില്ല എന്നും പ്രത്യേകം വിശദീകരിക്കാനും സർക്കാർ വ്യക്തമാക്ക. അതും ലീഗിന് നിലവിൽ പ്രശ്‌നമാണ്. സംയുക്ത സമര സമിതിയിൽ നിന്നും സമസ്തയെ മാത്രമായി ക്ഷണിച്ചാണ് തീരുമാനത്തിൽ നിന്നുള്ള പിന്നോട്ട് പോകൽ പ്രഖ്യാപിച്ചത് സർക്കാരിന്റെ തന്ത്രമാണ്‌വിജയിച്ചത്. സമുദായ പിന്തുണയോടെ വൻ രാഷ്ട്രീയ സമരമായി മാറിയേക്കാമായിരുന്ന ഒന്നിലാണ് സർക്കാർ പ്രബല പണ്ഡിതസഭയെ കൂട്ടുപിടിച്ച് സമാധാന അന്തരീക്ഷം ഉണ്ടാക്കിയത്.