ചാണ്ടി ഉമ്മൻ എ ഐ സി സി ലിസ്റ്റിൽ സ്ഥാനാർത്ഥി

കോൺഗ്രസ് നേതാക്കളായ എ.കെ. ആന്റണിയുടെ മകൻ അനിൽ ആന്റണിയുടെയും ഉമ്മൻചാണ്ടിയുടെ മകൻ ചാണ്ടിഉമ്മന്റെയും പേരുകൾ എ ഐ സി സി ക്ക് നൽകിയ സ്ഥാനാർത്ഥി ലിസ്റ്റിൽ ഇടം പിടിച്ചു.
പുതുപ്പള്ളി, ചെങ്ങന്നൂർ, ഇരിക്കർ മണ്ഡലങ്ങളിലാണ് ചാണ്ടി ഉമ്മന്റെ പേരുള്ളത്.
പട്ടികയിൽ കെ.പി.സി.സി, യൂത്ത് കോൺഗ്രസ്, കെ.എസ്.യു, മഹിളാ കോൺഗ്രസ്, ഐ.എൻ.ടി.യു.സി പ്രസിഡന്റുമാരുമുണ്ട്. എ.ഐ.സി.സിയുടെ നേതൃത്വത്തിൽ കൊൽക്കത്ത, മുംബയ്, ബംഗളൂരു എന്നിവിടങ്ങൾ കേന്ദ്രീകരിച്ചുള്ള മൂന്ന് ഏജൻസികളാണ് രഹസ്യസർവേ നടത്തിയത്.

നൂറ് മണ്ഡലങ്ങളിലും കോൺഗ്രസ് ടിക്കറ്റിൽ മത്സരിപ്പിക്കുന്നതിന് അനുയോജ്യരായ സ്ഥാനാർത്ഥികളുടെ പേരുകളും സമുദായം തിരിച്ചുള്ള കണക്കും റിപ്പോർട്ടിലുണ്ട്. ഗ്രൂപ്പ്, വ്യക്തി താത്പര്യങ്ങൾക്ക് അതീതമായി വിജയസാദ്ധ്യതയും പൊതു സ്വീകാര്യതയുമാണ് കണക്കിലെടുത്തത്. പാർട്ടിയുടെ വിവിധ തലങ്ങളിലെ ചർച്ചകൾക്കുശേഷമാവും പട്ടികയിൽ അന്തിമ തീരുമാനം.

2016 നിയമസഭാ തിരഞ്ഞെടുപ്പിൽ 87 സീറ്റിൽ മത്സരിച്ച കോൺഗ്രസിന് 22 ഇടത്തു മാത്രമാണ് ജയിക്കാനായത്. ഈഴവ സമുദായത്തിനു നൽകിയത് 11 സീറ്റ്. ജയം ഒരു സീറ്റിൽ. ഇത്തവണ ഈഴവ സമുദായത്തിനു മാത്രമായി 30 സീറ്റ് നൽകാനാണ് ശുപാർശ. കോൺഗ്രസിന് ഇത്തവണ 90 മുതൽ 95 സീറ്റിൽ വരെ മത്സരിക്കാനാവുമെന്ന കണക്കുകൂട്ടലിലാണ് 100 കളിലാണ് സർവേ നടന്നത്.