തിരുവനന്തപുരം ജില്ലയിൽ സീറ്റ് പിണക്കം മറന്ന് ശോഭ

ലോക്‌സഭാ തിരഞ്ഞെടുപ്പിൽ മത്‌സരിച്ച മണ്ഡലത്തിലെ ഏറ്റവും വിജയസാധ്യതയുള്ള നിയമസഭാ സീറ്റിൽ മത്‌സരിക്കാൻ കേന്ദ്രനേതാക്കൾ ഓഫർ നൽകിയതോടെ ജെപി നദ്ദയുടെ യോഗത്തിലേക്ക് ശോഭാ സുരേന്ദ്രൻ എത്തി.

ഇന്നലെ രാത്രി നടത്തി ചർച്ചയിലാണ് ശോഭാ സുരേന്ദ്രനെ യോഗത്തി് എത്താൻ തീരുമാനമായത്. ഒന്നര വർഷത്തെ ഇടവേളയ്ക്ക് ശേഷമാണ് പാർട്ടി യോഗത്തിന് ശോഭ എത്തുന്നത്.

ശോഭാ സുരേന്ദ്രനുമായുള്ള തർക്കം അനന്തമായി നീട്ടിക്കൊണ്ടുപോകാൻ അനുവദിക്കില്ലെന്ന് ബിജെപി ദേശീയ അധ്യക്ഷൻ ജെ.പി നദ്ദ വ്യക്തമാക്കിയിരുന്നു.

ശോഭയെ പാർട്ടി കോർ കമ്മറ്റിയിൽ ഉൾപ്പെടുത്തുമെന്നാണ് സൂചന. താമസിയാതെ തീരുമാനം പ്രഖ്യാപിക്കും. വർക്കലയിൽ ശോഭ മത്സരിക്കാനും സാധ്യത ഏറെയാണ്. ശോഭയെ അനുനയിപ്പിക്കാൻ ആർഎസ്എസ് നേരിട്ട് ഇടപെട്ടു. നിർദ്ദേശം ശോഭ അംഗീകരിക്കുകയും ചെയ്തു.

പ്രശ്നം പരിഹരിക്കണമെന്ന് ദേശീയ നേതൃത്വം ആവശ്യപ്പെട്ടിട്ടും സംസ്ഥാന നേതൃത്വം തടയിടുകയാണെന്നാണ് ശോഭയുടെ പരാതി. താൻ ഉന്നയിച്ച പ്രശ്നങ്ങൾ പരിഹരിക്കാത്തിടത്തോളം യോഗങ്ങളിൽ നിന്ന് വിട്ടു നിൽക്കുമെന്ന് ശോഭ ആവർത്തിച്ചിരുന്നു നദ്ദ വിഷയത്തിൽ ഇടപെട്ടതോടെ സുരേന്ദ്രൻ പക്ഷം കീഴടങ്ങുകയായിരുന്നു.