ബിഡിജെഎസ് പിളർന്നു

എൻഡിഎ ഘടകകക്ഷിയായ ബിഡിജെഎസ് പിളർന്നു . രണ്ടു ദിവസത്തിനകം പാർട്ടിയിൽ പിളർപ്പുണ്ടാകുമെന്ന് ഇന്നലെ ഹെഡ് ലൈൻ കേരള റിപ്പോർട്ട് ചെയ്തിരുന്നു. ഇത് രണ്ടാമത്തെ പിളർപ്പാണ്.
നേരത്തെ പാർട്ടിയിൽ ജനാധിപത്യം നഷ്ടപ്പെട്ടെന്നാരോപിച്ച് ഒരു വിഭാഗം ബി.ഡി.ജെ.എസ് (ഡെമോക്രാറ്റിക്) എന്ന പുതിയ പാർട്ടി രൂപവത്കരിച്ച് മാറുകയായിരുന്നു.
ഇപ്പോൾ മാറുന്നവർ പാർട്ടിയിലെ ശക്്തരായ വിഭാഗമാണ്
കേരളത്തിലെ എൻഡിഎയുടെ സഖ്യകക്ഷിയായ ഭാരത് ധർമ ജനസേന (ബിഡിജെഎസ്) പിളർന്നു. ഭാരതീയ ജനസേന (ബിജെഎസ്) എന്ന പുതിയ പാർട്ടി രൂപീകരിച്ചു. ബിഡിജെഎസ് അധ്യക്ഷൻ തുഷാർ വെള്ളാപ്പള്ളിയുടെ വിശ്വസ്തനായിരുന്ന വി.ഗോപകുമാർ, കെ.കെ.ബിനു, എൻ.കെ. നീലകണ്ഠൻ എന്നിവരുടെ നേതൃത്വത്തിലാണ് പുതിയ പാർട്ടി.

എൻ.കെ നീലകണ്ഠൻ മാസ്റ്റർ (പ്രസിഡന്റ്), വി.ഗോപകുമാർ, കെ.കെ ബിനു (വർക്കിങ് പ്രസിഡന്റുമാർ), കെ.എസ്.വിജയൻ (ജനറൽ സെക്രട്ടറി), ബൈജു എസ്.പിള്ള (ട്രഷറർ) എന്നിവരുടെ നേതൃത്വത്തിൽ 15 അംഗ സംസ്ഥാന സെക്രട്ടേറിയറ്റും 50 അംഗ സംസ്ഥാന എക്‌സിക്യൂട്ടീവും ചുമതലയേറ്റു. ബിഡിജെഎസിലെ ഭൂരിപക്ഷം സംസ്ഥാന കൗൺസിൽ നേതാക്കളും 11 ജില്ലാ കമ്മിറ്റികളും ഒപ്പമുണ്ടെന്ന് ബിഡിജെഎസ് വിട്ടവർ അവകാശപ്പെട്ടു.
തിരഞ്ഞെടുപ്പിൽ യുഡിഎഫ് അർഹമായ പരിഗണന തരുമെന്ന് പ്രതീക്ഷിക്കുന്നുവെന്നും നീലകണ്ഠൻ മാസ്റ്റർ പറഞ്ഞു.