കെ വി തോമസ് ഒപ്പമുണ്ടെന്ന് ഉമ്മൻചാണ്ടി

കെ.വി.തോമസ് കോൺഗ്രസിന്റെ സമുന്നതനായ നേതാവാണെന്നും അദ്ദേഹം കോൺഗ്രസിൽ ഉണ്ടാകുമെന്നും മുൻ മുഖ്യമന്ത്രി ഉമ്മൻ ചാണ്ടി.

പാർട്ടിയിൽ എന്തു പ്രശ്‌നമുണ്ടായാലും ചർച്ച ചെയ്യും. അഭിപ്രായ വ്യത്യാസമുണ്ടായാൽ ആരെയും തള്ളിക്കളയില്ല. കെ.വി. തോമസുമായി ഒരു പ്രശ്‌നവുമില്ല. പരാതിയുള്ളവരുടെ പ്രശ്‌നങ്ങൾ ഉൾക്കൊള്ളും. വിവിധ വിഭാഗങ്ങളുമായും യുവാക്കളുമായും ശശി തരൂർ തിരുവനന്തപുരം, കോട്ടയം, പാലക്കാട്, കോഴിക്കോട് ജില്ലകളിൽ ചർച്ച നടത്തും.

ചെന്നിത്തലയുടെ ഐശ്വര്യ കേരള യാത്ര ഉമ്മൻ ചാണ്ടി ഉദ്ഘാടനം ചെയ്യും. യാത്ര വിജയമാക്കാൻ എംപിമാർ നേരിട്ട് ജില്ലകളുടെ ചാർജെടുക്കും. കോട്ടയത്ത് ഉമ്മൻ ചാണ്ടിയും മലപ്പുറത്ത് ടി. സിദ്ദിഖും വയനാടും ആലപ്പുഴയും കെ.സി. വേണുഗോപാലിനുമാണ് യാത്രയുടെ ചുമതല.