ലോക്ക് ഡൗണിനു ശേഷം റിലീസിന് എത്തുന്ന ആദ്യ മഞ്‌ജു വാര്യരുടെ ഹൊറര്‍ ത്രില്ലര്‍ ‘ചതുര്‍മുഖം’ തിയേറ്ററുകളിലേക്ക്

ലോക്ക് ഡൗണിനു ശേഷം റിലീസിന് എത്തുന്ന ആദ്യ മഞ്‌ജു വാര്യരുടെ ഹൊറര്‍ ത്രില്ലര്‍ 'ചതുര്‍മുഖം' തിയേറ്ററുകളിലേക്ക് എത്തുന്നു. നിരവധി ചിത്രങ്ങളാണ് നടിയുടെതായി പുറത്തുവരാനിരിക്കുന്നത്. ജാക്ക് ആന്‍ഡ് ജില്‍, പടവെട്ട്, ദ പ്രീസ്റ്റ്, മരയ്ക്കാര്‍ അറബിക്കടലിന്റെ സിംഹം തുടങ്ങിയ മഞ്ജു ചിത്രങ്ങള്‍ ഉടന്‍ തന്നെ റിലീസ് പ്രഖ്യാപിക്കും. ആ കൂട്ടത്തില്‍ ആദ്യം റിലീസിനെത്തുന്നത് ചതുര്‍മുഖം ആണ്. ഫെബ്രുവരിയില്‍ ചിത്രം തിയേറ്ററുകളിലെത്തുമെന്ന് നിര്‍മ്മാതാക്കള്‍ അറിയിച്ചു. സണ്ണി വെയ്‌നും മഞ്ജു വാര്യരും ആദ്യമായി ഒന്നിക്കുന്ന സിനിമയ്ക്കായി കാത്തിരിക്കുകയാണ് ആരാധകരും.

രഞ്ജിത് കമല ശങ്കറും സലീല്‍ വിയും ചേര്‍ന്നാണ് ഈ ഹൊറര്‍ ത്രില്ലര്‍ ചിത്രം സംവിധാനം ചെയ്യുന്നത്. അഭയകുമാര്‍ കെ, അനില്‍ കുര്യന്‍ എന്നിവര്‍ ചേര്‍ന്നാണ് തിരക്കഥ ഒരുക്കിയിരിക്കുന്നത്. ജിസ്ടോംസ് മൂവീസിന്റെ ബാനറില്‍ ജിസ്സ് ടോംസും ജസ്റ്റിന്‍ തോമസും ചേര്‍ന്നാണ് നിര്‍മ്മിക്കുന്നത്. അഭിനന്ദ് രാമാനുജനാണ് ഛായാഗ്രഹണം നിര്‍വഹിക്കുന്നത്.