കുട്ടികളുടെ മുന്നില്‍ വച്ച് അമ്മയേയും മുത്തശിയേയും അച്ഛന്‍ വെട്ടികൊലപ്പെടുത്തി

ത്രിപുര: കുട്ടികളുടെ മുന്നില്‍ വച്ച് അമ്മയേയും മുത്തശിയേയും അച്ഛന്‍ വെട്ടികൊലപ്പെടുത്തി. സംഭവം കണ്ട് അലറിക്കരഞ്ഞ് മക്കളുടെ മുന്നില്‍ വച്ച് അവരുടെ ശരീരം വെട്ടിനുറുക്കിയത്.ത്രിപുരയിലെ ധലായ് ജില്ലയിലാണ് സംഭവം. സംഭവം അറിഞ്ഞെത്തിയ നാട്ടുകാര്‍ രക്തത്തില്‍ കുളിച്ചു കിടക്കുന്ന സ്ത്രീകളെയും അവര്‍ക്കു മുന്നില്‍ പേടിച്ചരണ്ട് നിലവിളിച്ചിരിക്കുന്ന കുട്ടികളെയുമാണ് കണ്ടതെന്ന് പൊലീസ് അറിയിച്ചു.
ഇരുവരെയും കൊലപ്പെടുത്തിയ ശേഷം ആത്മഹത്യയ്ക്കു ശ്രമിച്ച യുവാവിനെ തൊട്ടടുത്ത മുറിയില്‍ ബോധരഹിതനായി കണ്ടെത്തി. പടിഞ്ഞാറന്‍ ത്രിപുരയിലെ ഹപാനിയ നിവാസിയായ ഇയാളുടെ ശരീരത്തില്‍ വിഷത്തിന്റെ അംശം കണ്ടെത്തിയതായി പൊലീസ് അറിയിച്ചു. കൊലപാതകത്തിലേക്ക് നയിച്ച കാരണം വ്യക്തമായിട്ടില്ല. ബോധം വന്നതിനു ശേഷം ഇയാളെ ചോദ്യം ചെയ്യുമെന്ന് പൊലീസ് അറിയിച്ചു.

ഇയാളുടെ ഭാര്യയും കുട്ടികളും കഴിഞ്ഞ 4 മാസമായി ഭാര്യാമാതാവിനൊപ്പമാണ് താമസിച്ചിരുന്നതെന്നും ഇരുവരും വേര്‍പിരിയലിന്റെ വക്കിലായിരുന്നെന്നും പൊലീസ് പറഞ്ഞു. ദാമ്ബത്യപ്രശ്‌നങ്ങളാകാം കൊലപാതകത്തിലേക്ക് നയിച്ചതെന്നാണ് പൊലീസിന്റെ പ്രാഥമിക നിഗമനം