ഹൈദരാബാദ് ആസ്ഥാനമായി പ്രവര്‍ത്തിക്കുന്ന കോസ്റ്റല്‍ പ്രൊജക്‌ട്സ് ലിമിറ്റഡ് കമ്പനിക്കെതിരെ കേസെടുത്ത് സിബിഐ

ഹൈദരാബാദ്: ഹൈദരാബാദ് ആസ്ഥാനമായി പ്രവര്‍ത്തിക്കുന്ന കോസ്റ്റല്‍ പ്രൊജക്‌ട്സ് ലിമിറ്റഡ് കമ്പനിക്കെതിരെ കേസ് രജിസ്റ്റര്‍ ചെയ്ത് സിബിഐ. 4736 കോടി രൂപയുടെ ബാങ്ക് തിരിമറി നടത്തിയതിനാണ് സിബിഐ കേസെടുത്തത്. സ്റ്റേറ്റ് ബാങ്കാണ് കമ്പനിക്കെതിരെ പരാതി നല്‍കിയത്.

2013-2018 സാമ്പത്തിക വര്‍ഷത്തില്‍ വ്യാജ അക്കൗണ്ട് ബുക്കുകളും, വ്യാജ ബാങ്ക് സ്റ്റേറ്റ്മെന്റും നല്‍കി കബളിപ്പിച്ചുവെന്നതാണ് പരാതി. പ്രമോട്ടര്‍മാരുടെ സംഭാവന അടക്കമുള്ള കാര്യങ്ങളില്‍ കമ്ബനി തെറ്റായ വിവരമാണ് നല്‍കിയതെന്നും ബാങ്ക് നല്‍കിയ പരാതിയില്‍ പറയുന്നു. ഒക്ടോബര്‍ 28, 2013 ന് കമ്ബനിയുടെ ലോണ്‍ അക്കൗണ്ട് നോണ്‍ പര്‍ഫേമന്‍സ് അസറ്റായി പ്രഖ്യാപിച്ചിരുന്നു. അവസാന വര്‍ഷം ഫെബ്രുവരിയോട് ഈ അക്കൗണ്ട് വ്യാജമായും പ്രഖ്യാപിക്കപ്പെട്ടു.