പൊള്ളാച്ചി പീഡനക്കേസ്: അണ്ണാഡിഎംകെ നേതാക്കള്‍ അറസ്റ്റില്‍

പൊള്ളാച്ചി: പൊള്ളാച്ചി പീഡനക്കേസില്‍ അണ്ണാഡിഎംകെ നേതാക്കളെ സിബിഐ അറസ്റ്റ് ചെയ്തു. നാല് അണ്ണാഡിഎംകെ നേതാക്കളെയാണ് കേസുമായി ബന്ധപ്പെട്ട് അരസ്റ്റു ചെയ്തിരിക്കുന്നത്. ഇവരുടെ ഫോണില്‍ നിന്ന് സ്‌കൂള്‍ വിദ്യാര്‍ത്ഥിനികളുടെ ഉള്‍പ്പടെ ചിത്രങ്ങള്‍ കണ്ടെത്തി.കേസില്‍ രണ്ട് മന്ത്രി പുത്രന്‍മാരുടെ പങ്കും സിബിഐ പരിശോധിക്കുകയാണ്.പ്രണയം നടിച്ച് തമിഴ്‌നാടിന്റെ വിവിധ ഇടങ്ങളില്‍ കൊണ്ടുപോയി പീഡിപ്പിച്ചു.

പീഡനവിവരം പുറത്തു പറഞ്ഞാല്‍ ചിത്രങ്ങള്‍ ഓണ്‍ലൈനില്‍ പരസ്യപ്പെടുത്തുമെന്ന് ഭീഷണിപ്പെടുത്തിയിരുന്നു. ചില പെണ്‍കുട്ടികളില്‍ നിന്ന് സ്വര്‍ണവും കൈക്കലാക്കി. അണ്ണാഡിഎംകെ യുവജന വിഭാഗം സെക്രട്ടറി ഉള്‍പ്പടെയാണ് അറസ്റ്റിലായത്. യുവ നേതാക്കളുടെ ഫോണിലും ലാപ് ടോപ്പില്‍ നിന്നും സ്‌കൂള്‍ വിദ്യാര്‍ത്ഥിനികള്‍ അടക്കം നിരവധി സത്രീകളുടെ നഗ്‌നചിത്രങ്ങള്‍ കണ്ടെത്തി. 19-കാരിയായ പൊള്ളാച്ചി സ്വദേശിനിയുടെ കുടുംബം മാധ്യമങ്ങള്‍ മുമ്പാകെ നടത്തിയ വെളിപ്പെടുത്തലാണ് നിര്‍ണായകമായത്. പ്രതിപക്ഷം ശക്തമായ പ്രതിഷേധവുമായി രംഗത്തെത്തിയതോടെ കഴിഞ്ഞ വര്‍ഷമാണ് സിബിഐ കേസ് ഏറ്റെടുത്തത്.