ന്യൂനപക്ഷ വോട്ടുകള്‍ നേടാന്‍ സാധിച്ചില്ല, തോല്‍വിയുടെ ഉത്തരവാദിത്വം പൂര്‍ണമായും ഏറ്റെടുക്കുന്നു; മുല്ലപ്പള്ളി രാമചന്ദ്രന്‍

തദ്ദേശ തെരഞ്ഞെടുപ്പില്‍ കോണ്‍ഗ്രസിന്റെ പരാജയത്തില്‍ ഉത്തരവാദിത്വം പൂര്‍ണമായി ഏറ്റെടുക്കുന്നുവെന്ന് കെ പി സി സി അധ്യക്ഷന്‍ മുല്ലപ്പള്ളി രാമചന്ദ്രന്‍ പറഞ്ഞു. തെറ്റിദ്ധാരണ പരത്തുന്ന പ്രചാരണങ്ങളെ ചെറുക്കാന്‍ സാധിച്ചില്ല, തിരഞ്ഞെടുപ്പ് ഫലത്തില്‍ നിരാശയില്ല, വരുന്ന നിയമസഭാ തെരഞ്ഞെടുപ്പില്‍ യുഡിഎഫ് മിന്നും ജയം നേടി അധികാരത്തില്‍ വരും, അദ്ദേഹം പറഞ്ഞു.ദുഷ്ടമൃഗങ്ങള്‍ മാനിനെ വേട്ടയാടും പോലെ മാധ്യമങ്ങള്‍ തന്നെ വളഞ്ഞിട്ട് ആക്രമിച്ചെന്നും അദ്ദേഹം പറഞ്ഞു, താനെന്ത് തെറ്റാണ് ചെയ്തത്? അദ്ദേഹം ചോദിച്ചു.
വിജയം നേടിയാല്‍ ഒരുപാട് നാഥന്മാര്‍ ഉണ്ടാവും, തോല്‍വിയില്‍ അനാഥനായിരിക്കും, ന്യൂനപക്ഷ വോട്ടുകള്‍ നേടാനാവാതെ പോയത് തോല്‍വിക്ക് കാരണമായി, വീഴ്ചകള്‍ എല്ലാം ഉടന്‍ പരിഹരിക്കും, കെപിസിസിയുടെ രാഷ്ട്രീയകാര്യ സമിതിയില്‍ ഇതിന് തീരുമാനമായി. ജനുവരി ആറ് ഏഴ് തിയ്യതികളില്‍ രാഷ്ട്രീയകാര്യ സമിതി അംഗങ്ങള്‍, എംപിമാര്‍, എംഎല്‍എമാര്‍, ഡിസിസി പ്രസിഡന്റുമാര്‍ എന്നിനരുടെ യോഗം ചേരാന്‍ തീരുമാനിച്ചിട്ടുണ്ട്. കോണ്‍ഗ്രസ് ജയിച്ച് വരേണ്ടത് നാട്ടിലെ ജനങ്ങളുടെ ആവശ്യമാണെന്നും അദ്ദേഹം പറഞ്ഞു.