തിരുവനന്തപുരം കോര്‍പ്പറേഷനില്‍ കേവല ഭൂരിപക്ഷം ലഭിക്കുമെന്ന് എല്‍ഡിഎഫ്

തിരുവനന്തപുരം: തദ്ദേശ തെരഞ്ഞെടുപ്പില്‍ വീറുറ്റ പോരാട്ടം നടന്ന തിരുവനന്തപുരം കോര്‍പ്പറേഷനില്‍ കേവല ഭൂരിപക്ഷം ലഭിക്കുമെന്ന് എല്‍ഡിഎഫ് ആവര്‍ത്തിച്ച് തന്നെ പറയുന്നു. തെരഞ്ഞെടുപ്പ് കഴിഞ്ഞ് രണ്ട് ദിവസം കഴിയുമ്പോള്‍ മുന്നണികള്‍ നടത്തിയ കൂട്ടിക്കിഴിക്കലിലാണ് ഇത്തരം പ്രഖ്യപനം. 52 സീറ്റ് ഉറപ്പായും ലഭിക്കുമെന്ന് എല്‍ഡിഎഫിന്റെ നിലവിലെ പ്രതീക്ഷ. അതേ സമയം വട്ടിയൂര്‍ക്കാവ്, കഴക്കൂട്ടം, തിരുവനന്തപുരം മണ്ഡലങ്ങളില്‍ പ്രതീക്ഷിച്ച പോലെ നടന്നാല്‍ 62 സീറ്റുകള്‍ എന്ന നേട്ടത്തിലേക്ക് വരെ എത്താം എന്നാമെന്നും എല്‍ഡിഎഫ് വിലയിരുത്തുന്നു. ചില പ്രധാന സ്ഥാനാര്‍ത്ഥികള്‍ പരാജയപ്പെട്ടാലും 12 സീറ്റുകള്‍ പിടിച്ചടക്കുമെന്നാണ് അവരുടെ പ്രതീക്ഷ.

അതേസമയം ബിജെപി മൂന്നാം സ്ഥാനത്തേക്ക് പോകുമെന്ന് വിലയിരുത്തുമ്പോള്‍ 35 വരെ സീറ്റുകള്‍ ലഭിക്കുമെന്നും രണ്ടാം സ്ഥാനത്തെത്തുകയും ചെയ്യുമെന്നാണ് യുഡിഎഫിന്റെ കണക്കുകൂട്ടലുകള്‍.