ജോസഫ് വിഭാഗം സ്ഥാനാര്‍ഥികള്‍ക്ക് ചെണ്ട ചിഹ്നമായി അനുവദിച്ച് ഹൈക്കോടതി

കേരള കോണ്‍ഗ്രസ് പി.ജെ ജോസഫ് വിഭാഗം സ്ഥാനാര്‍ത്ഥികള്‍ക്ക് ചെണ്ട ചിഹ്നമായി അനുവദിച്ച് ഹൈക്കോടതി. ചെണ്ട ചിഹ്നത്തില്‍ മത്സരിക്കുന്ന പാര്‍ട്ടി സ്ഥാനര്‍ഥികളെ സ്വതന്ത്രരായി കണക്കാക്കാനുള്ള തെരഞ്ഞെടുപ്പ് കമ്മീഷന്‍ നടപടിക്കെതിരെ പി.ജെ. ജോസഫ് നല്‍കിയ ഹര്‍ജിയിലാണ് ഹൈക്കോടതിയുടെ ഇടക്കാല ഉത്തരവ്.ചെണ്ട ചിഹ്നത്തില്‍ മത്സരിക്കുന്ന ജോസഫ് ഗ്രൂപ്പിന്റെ സ്ഥാനാര്‍ഥികളെ കേരള കോണ്‍ഗ്രസ് എം ജോസഫ് വിഭാഗമായി കണക്കാക്കണമെന്ന് ഹൈക്കോടതി നിര്‍ദേശിച്ചു. കേരള കോണ്‍ഗ്രസ് നിലവില്‍ യുഡിഎഫ് മുന്നണിയുടെ ഭാഗമാണെന്നും സ്വതന്ത്രരായി മത്സരിച്ച് വിജയിച്ച ശേഷം മുന്നണിയുടെ ഭാഗമായാല്‍ അയോഗ്യത വരുമെന്നുമായിരുന്നു ജോസഫിന്റെ വാദം.