കുതിര പുറത്ത് വോട്ട് തേടുന്ന അമേയ മസൂദ്

അമേയ എന്ന 10 വയസുകാരി പെണ്‍കുട്ടി വെള്ള കുതിര പുറത്ത് ഇറങ്ങിയത് ഉല്ലാസ യാത്രക്കല്ല, മറിച്ച് തന്റെ വാര്‍ഡില്‍ മത്സരിക്കുന്ന എല്‍ഡിഎഫ് സ്ഥാനാര്‍ഥിക്കു വേണ്ടി വോട്ട് തേടിയാണ്. തൃശൂര്‍ ജില്ലയിലെ ചാഴൂര്‍ ഗ്രാമപഞ്ചായത്ത് മൂന്നാം വാര്‍ഡില്‍ നിന്ന് ജനവിധി തേടുന്ന വിനീത ബെന്നിക്ക് വേണ്ടി വോട്ട് പിടിക്കാന്‍. ധാന്യകതിര്‍ അരിവാള്‍ ചിഹ്നം ആലേഖനം ചെയ്ത രക്തവര്‍ണ്ണ കൊടിയും നെഞ്ചോട് ചേര്‍ത്താണ് ഈ പെണ്‍കുട്ടിയുടെ യാത്ര. കുതിര പുറത്ത് ഗ്രാമത്തില്‍ വോട്ട് തേടി സഞ്ചരിക്കുന്ന അമേയ കണ്ട സ്ത്രീകളും കുട്ടികളും ആദ്യം അമ്പരന്നെങ്കിലും പിന്നീട് ഹര്‍ഷാരവത്തോടെയാണ് വരവേറ്റത്. വിനീത ബെന്നി തന്നെ കുതിര പുറത്ത് കൊടിയും പിടിച്ചിരിക്കുന്ന അമേയയേ കണ്ട് അത്ഭുതം കൂറിയിരിക്കുകയാണ്. ചാഴൂര്‍ കല്ലുങ്കല്‍ വീട്ടില്‍ മസൂദിന്റെ മകളാണ് അമേയ.