വേങ്ങരയില്‍ ലീഗിനു ജയം:ഭൂരിപക്ഷം കുറഞ്ഞു

മലപ്പുറം:ഭൂരിപക്ഷംക കുറഞ്ഞെങ്കിലും വേങ്ങരയില്‍ കെഎന്‍എ ഷഖാദര്‍ ജയിച്ചു.വിജയം നേടിയെങ്കിലും വോട്ട് വിഹിതത്തിലും ഭുരിപക്ഷത്തിലും വന്‍ കുറവാണ് ലീഗ് സ്ഥാനാര്‍ത്ഥിക്കുണ്ടായിരിക്കുന്നത്.

യുഡിഎഫ് സ്ഥാനാര്‍ഥി പി കെ കുഞ്ഞാലിക്കുട്ടിക്ക് 2016ല്‍ ലഭിച്ച ഭൂരിപക്ഷത്തിന്റെ പകുതി മാത്രമാണ് ഖാദറിന് ലഭിക്കുകയുണ്ടായത്. 70.77 ശതമാനം പോളിങ് നടന്ന 2016ലെ തെരഞ്ഞെടുപ്പില്‍ 38,057 വോട്ടിന്റെ ഭൂരിപക്ഷം കുഞ്ഞാലിക്കുട്ടിക്ക് ലഭിച്ചിരുന്നു. എന്നാല്‍ ആ ഭൂരിപക്ഷത്തില്‍ 14,747 ന്റെ കുറവാണ് യുഡിഎഫിനുണ്ടായിരിക്കുന്നത്. 23,310 വോട്ടിന്റെ ഭൂരിപക്ഷം മാത്രമാണ് ഖാദറിനു ലഭിച്ചത്.

അതേസമയം എല്‍ഡിഎഫിനെ സംബന്ധിച്ചിടത്തോളം തെരഞ്ഞെടുപ്പില്‍ വലിയ നേട്ടമാണുണ്ടാക്കാനായത്. 7793 വോട്ടാണ് അധികമായി എല്‍ഡിഎഫ് സ്ഥാനാര്‍ഥി പിപി ബഷീറിന് ലഭിച്ചത്. 34,124 വോട്ട് 2016ല്‍ എല്‍ഡിഎഫിന് ലഭിച്ചു. അതില്‍ നിന്നും 41,917 വോട്ടിലേക്കാണ് ബഷീര്‍ മുന്നേറിയത്. മലപ്പുറം ലോകസഭ ഉപതെരഞ്ഞെടുപ്പിലെ വേങ്ങര കണക്കുകള്‍ പരിശോധിക്കുമ്‌ബോഴും യുഡിഎഫിന് തിരിച്ചടി തന്നെയാണ്. ഉപതെരഞ്ഞെടുപ്പില്‍ വേങ്ങര മണ്ഡലത്തില്‍ 67.76 ശതമാനം പോളിങ്ങാണ് രേഖപ്പെടുത്തിയത്. സ്ഥാനാര്‍ഥി കുഞ്ഞാലിക്കുട്ടിക്ക് ലഭിച്ചത് 40,529വോട്ടുകളുടെ ഭൂരിപക്ഷം. അതിന്റെ നേര്‍പകുതിയോളം മാത്രമാണ് കെഎന്‍എ ഖാദറിനുള്ളത്.17,219 വോട്ടിന്റെ കുറവാണുണ്ടായത്.