അല്‍ഫോണ്‍സ് കണ്ണന്താനം കേന്ദ്ര മന്ത്രിസഭയിലേക്കെന്ന് സൂചന

ന്യൂഡല്‍ഹി: കേന്ദ്രപുനസംഘടനയില്‍ കേരളത്തിനും മന്ത്രിസ്ഥാനമുണ്ടാകുമെന്ന് സൂചന. മുന്‍ എംഎല്‍എ അല്‍ഫോണ്‍സ് കണ്ണന്താനം കേന്ദ്രമന്ത്രിയായേക്കുമെന്നാണ് റിപ്പോര്‍ട്ട്. കണ്ണന്താനം ഉള്‍പ്പെടെ ഒമ്ബത് പുതുമുഖങ്ങള്‍ ഞായറാഴ്ച മന്ത്രമാരായി സത്യപ്രതിജ്ഞ ചെയ്യും.

സത്യപാല്‍ സിംഗ്, ഗജേന്ദ്ര ഷെഖാവത്ത്, അനന്ത് കുമാര്‍ ഹെഗ്‌ഡെ, ശിവപ്രസാദ് ശുക്ല, ശങ്കര്‍ ഭായി ബാഗെഡ്, മുന്‍ ആഭ്യന്തര സെക്രട്ടറി ആര്‍.കെ സിംഗ്, അശ്വനി കുമാര്‍ ചൗബെ എന്നിവര്‍ക്കാണ് നറുക്ക് വീണിരിക്കുന്നത്. കാബിനറ്റ് മന്ത്രിയായി നിര്‍മല സീതാരാമന് സ്ഥാനക്കയറ്റം നല്‍കും.

കണ്ണന്താനം ഇടതുപക്ഷത്തിലൂടെയാണ് രാഷ്ട്രീയത്തില്‍ പ്രവേശിച്ചത്. 2006ല്‍ ലാന്‍ഡ് റവന്യൂ കമ്മീഷണറായിരിക്കെയാണ് പദവി രാജിവച്ച് ഇടതുമുന്നണിക്കുവേണ്ടി കാഞ്ഞരപ്പള്ളിയില്‍ മത്സരിച്ച് എംഎല്‍എയായി.

2011 ല്‍ കാലാവധി തികയ്ക്കുന്നതിന് മുമ്‌ബെ രാജിവച്ച് ബിജെപിയില്‍ ചേരുകയും ചെയ്തു. ഇടതുമുന്നണി പൂഞ്ഞാറില്‍ സീറ്റ് വാഗ്ദാനം ചെയ്‌തെങ്കിലും ഇത് ഉപേക്ഷിച്ചായിരുന്നു ബിജെപിയിലേക്ക് മാറിയത്.