പ്രചരിക്കുന്നത് പള്‍സര്‍ സുനിയുടെ കൈയ്യക്ഷരമല്ല,ദിലീപിന്റെ മൊഴിയെടുക്കും

നടിയെ ആക്രമിക്കപ്പെട്ട സംഭവം,പള്‍സര്‍ സുനി ദിലീപിനെഴുതിയ കത്തിലെ കൈയ്യക്ഷരം സുനിയുടേതല്ല,ദിലീപിനെയും ചോദ്യം ചെയ്യും നടി ആക്രമിക്കപ്പെട്ട സംഭവവുമായി ബന്ധപ്പെട്ട് പള്‍സര്‍ സുനി ദിലീപിനെഴുതിയ കത്തിലെ കൈയ്യക്ഷരം സുനിയുടേതല്ലെന്ന് അന്വേഷണ സംഘം വ്യക്തമാക്കി.ഇതോടെ നടിയ്‌ക്കെതിരെ നടന്ന അക്രമണത്തിന്റെ അന്വേഷണം കൂടുതല്‍ കുരുക്കിലായി.പള്‍സര്‍ സുനി ദിലീപിനെഴുതിയ കത്ത് സാമൂഹ്യമാധ്യമങ്ങളില്‍ പ്രചരിക്കുന്നതിനിടയിലാണ് വിശദീകരണവുമായി പൊലീസ് രംഗത്തെത്തിയിരിക്കുന്നത്.ഈ സംഭവത്തില്‍ പള്‍സര്‍ സുനി അങ്കമാലി കോടതിയ്‌ക്കെഴുതിയ കത്തിലെ കൈയ്യക്ഷരവും ,ദിലീപിന് അയച്ചെന്ന് പറയപ്പെടുന്ന കത്തിലെയും കൈയ്യക്ഷരങ്ങള്‍ തമ്മില്‍ പൊരത്തമില്ലെന്നാണ് ഇപ്പോഴത്തെ കണ്ടെത്തല്‍.

നടിയെ അക്രമിച്ച കേസില്‍ പൊലീസ് ഉദ്യോഗസ്ഥര്‍ തന്നെ പീഡിപ്പിക്കുന്നെന്ന് കാണിച്ച് അങ്കമാലി ചീഫ് ജുഡീഷ്യല്‍ മജിസ്‌ട്രേറ്റിനു മുന്‍പാകെ സുനി പരാതി നല്‍കിയിരുന്നു.രണ്ടു മാസം മുന്‍പ് ഇയാളെ കോടതിയില്‍ ഹാജരാക്കിയപ്പോഴാണ് പരാതി നല്‍കിയിരിക്കുന്നത്.പിന്നീട് കോടതി പരാതി എഴുതി നല്‍കാന്‍ ന ആവശ്യപ്പെട്ടു.പിന്നീട് ഇയാള്‍ ആറു പേജു വരുന്ന പരാതിയാണ് കോടതിയില്‍ നല്‍കിയത്,ഇതു പൊലീസ് അന്വേഷിച്ചു വരികയാണ്.

ഈ രണ്ടു കത്തിലുമുള്ള കൈയ്യക്ഷരത്തിലേ പൊരുത്തക്കേട് പ്രകടമാണ്.ഈ രണ്ടു കത്തിലെയും ഭാഷാ പ്രയോഗത്തിലും വലിയ വ്യതാസമുണ്ട്.ഇനി തനിക്ക് പറയാനുള്ള കാര്യങ്ങള്‍ മറ്റൊരാളേക്കൊണ്ട് സുനി എഴുതിപ്പിച്ചതാണെന്ന് പറഞ്ഞാലും ആശയക്കുഴപ്പമേറും .കത്തിലെ ഉള്ളടക്കം അടക്കം മറ്റാരെയും അറിയിക്കാതെ സേഫ് ആക്കി വെച്ചിട്ടുണ്ടെന്നാണ് സുനിയുടെ വാദം.