അറബിക്കടലു പോലൊരു സുന്ദരിക്കുട്ടിയാണ് നമ്മുടെ മെട്രോ

ഇളം നീലയും ഇളം പച്ചയും കലര്‍ന്നൊരു നിറമാണ് കൊച്ചി മെട്രോയുടെ പ്രധാന ആകര്‍ഷണം.ഈ ട്രെയിന്‍ കണ്ടാല്‍ അറബിക്കടലിങ്ങനെ ആര്‍ത്തിരമ്പുകയാണെന്നു തോന്നും.നീലക്കടലിലെ അലകളിലിരിക്കുന്ന ഒരനുഭൂതിയാണ് മെട്രോ കാറുകളില്‍ ഇരുന്ന് യാത്ര ചെയ്യുമ്പോള്‍.മൂന്നു കാറുകള്‍ ചേരുന്നതാണ് ഒരു മെട്രോ ട്രെയിന്‍.ഇവയിലെല്ലാം കൂടി 136 സീറ്റുകള്‍.ഗര്‍ഭിണികള്‍,മുതിര്‍ന്ന പൗരന്‍മാര്‍,അംഗവൈകല്യമുള്ളവര്‍ എന്നിവര്‍ക്കായി 36 സീറ്റുകള്‍ മാറ്റിവെച്ചിരിക്കുന്നു.ഈ സീറ്റുകളുടെ ഹാന്‍ഡ്‌ലിനും ഇളം പച്ച നിറമാണ്.ട്രെയിന്‍ നിര്‍ത്തുമ്പോള്‍ ഈ സീറ്റുകള്‍ പ്ലാറ്റ് ഫോമിലെ ലിഫ്റ്റിനു നേരേയായിരിക്കും.ഗര്‍ഭിണികള്‍ക്കായി കുഷ്യന്‍ സൗകര്യമുള്ള സീറ്റുകളും ഒരുക്കിയിട്ടുണ്ട്.

വീല്‍ചെയര്‍ യാത്രക്കാര്‍ക്കായി ലോങ്പ്രസ് ബട്ടന്‍ സംവിധാനമുണ്ട്.ബട്ടന്‍ അമര്‍ത്തിയാല്‍ വാതില്‍ കുറച്ചധികം നേര കൂടി തുറന്നു കിടക്കും.ഈ സമയത്ത് ട്രെയിന്‍ ഓപ്‌റേറ്റര്‍ വന്ന് വീല്‍ചെയറിലെ യാത്രക്കാനെ ഇറങ്ങാന്‍ സഹായിക്കും.മെട്രോയില്‍ ഇരിക്കുമ്പോള്‍ നെഞ്ചുവേദനയോ ശ്വാസം മുട്ടലോ തോന്നിയാല്‍ എമര്‍ജന്‍സി ഇന്‍കോമിലെ ബട്ടനമര്‍ത്തിയാല്‍ മതി.ട്രെയിന്‍ ഓപ്‌റേററ്ററോട് വിവരം പറഞ്ഞ് അടിയന്തിര സഹായം തേടാം. നിന്നു യാത്ര ചെയ്യുന്നവര്‍ക്കായി നല്ല ഉറപ്പുള്ള ഹാന്‍ഡിലുകളില്‍ പിടിച്ചു നില്‍ക്കാം.വെറും 25 മിനിറ്റു കൊണ്ട് ആലുവയില്‍ നിന്ന് പാലാരിവട്ടം വരെയെത്തി ചേരാം