പിണറായിയ്ക്കിട്ട് കോടതിയുടെ പണി

തച്ചങ്കരിയുടെ നിയമനത്തില്‍ കോടതിയ്ക്ക് സര്‍ക്കാരിനോട് അതൃപ്തി ടോമിന്‍ ജെ തച്ചങ്കരിയെ പൊലീസ് അഡ്മിനിസ്‌ട്രേഷന്‍ എഡിജിപിയായി നിയോഗിച്ചത് കോടതിയ്ക്ക് പിടിച്ചില്ല.പൊലീസ് മേധാവി ടി പി സെന്‍കുമാറിനെ നിരീക്ഷിക്കാനാണോ സര്‍ക്കാര്‍ തച്ചങ്കരിയെ നിയമിച്ചതെന്നാണ് കോടതിയുടെ ചോദ്യം.കാരണം സെന്‍കുമാര്‍ സര്‍ക്കാരിനെതിരെ അനുകൂല സുപ്രീംകോടതി വിധി നേടി സംസ്ഥാന പൊലീസിന്റെ തലവനാകാന്‍ എത്തുന്നതിന് തൊട്ടുമുന്‍പാണ് സര്‍ക്കാരിന്റെ തച്ചങ്കരി അവരോഹണം.കൂടാതെ നിരവധി പൊലീസ് ഉദ്യോഗസ്ഥരെ കൂട്ടത്തോടെ സ്ഥലം മാറ്റിയിരുന്നു.തച്ചങ്കരിയുടെ സ്ഥലം മാറ്റത്തെയും കൂട്ട സ്ഥലമാറ്റത്തെയും ചോദ്യം ചെയ്ത് സമര്‍പ്പിക്കപ്പെട്ട ഹര്‍ജി പരിഗണിക്കവേയാണ് കോടതി പിണറായി സര്‍ക്കാരിനെ വിമര്‍ശിച്ചത്.

കൂടാതെ തച്ചങ്കരിക്കെതിരെ നിലവില്‍ എത്ര കേസുണ്ടെന്നും കോടതി ആരാഞ്ഞു. തച്ചങ്കരിക്കെതിരെ നിലനില്‍ക്കുന്ന കേസുകള്‍, ഡിപ്പാര്‍ട്ട്‌മെന്റ് തല അന്വേഷണം സംബന്ധിച്ച വിശദാംശങ്ങള്‍ തുടങ്ങിയവ രേഖാമൂലം നല്‍കാനാണ് ചീഫ് ജസ്റ്റിസ് ഉള്‍പ്പെട്ട ബഞ്ച് സര്‍ക്കാരിനോട് ആവശ്യപ്പെട്ടത്. സര്‍ക്കാരിന്റെ സത്യവാങ്മൂലം ലഭിച്ചശേഷമാകും കോടതിയുടെ തുടര്‍നടപടി