തടവ് ജീവിതത്തിന് വിട : മണി ഇന്ന്‌ ജന്മനാട്ടില്‍ തിരിച്ചെത്തും

നീണ്ട പീഡനങ്ങള്‍ക്ക് ഒടുവില്‍ മണി ഇന്ന് ജന്മനാാട്ടില്‍ തിരിച്ചെത്തും. കൊടുമണ്‍ ഐക്കാട് മഠത്തിനാല്‍ മേലേതില്‍ പൊടിയന്റെ ഭാര്യ മണി (45) മൂന്നു വര്‍ഷമായി കുവൈത്തില്‍ അറബിയുടെ തടവിലായിരുന്നു. ഈ കാലയളവില്‍ അവര്‍ നിരവധി പീഡനങ്ങള്‍ സഹിക്കേണ്ടി വന്നു.

പത്തനാപുരം സ്വദേശി ബാലന്‍ പിള്ളയാണ് മണിയെ മൂന്ന് വര്‍ഷം മുമ്പ് കുവൈത്തിലേക്ക് അയച്ചത്. ആദ്യത്തെ മൂന്ന് മാസം ഇവര്‍ വീട്ടിലേക്ക് പണമയച്ചു. പിന്നീട് മണിയെപ്പറ്റി വിവരങ്ങള്‍ ഒന്നും ഉണ്ടായിരുന്നില്ല. ആറുമാസങ്ങള്‍ക്ക് ശേഷം മണിയുടെ ഒരു സന്ദേശം വീട്ടുകാര്‍ക്ക് ലഭിച്ചു. താന്‍ ജീവനോടെ ഉണ്ടെന്നും, അറബിയുടെ തടവിലാണെന്നുമായിരുന്നു സന്ദേശം. വിവരം ബന്ധുക്കള്‍ പൊലീസില്‍ അറിയിക്കുകയായിരുന്നു. പിന്നീട് സ്‌നേഹക്കൂട് എന്ന സംഘടനയ്ക്ക് നേതൃത്വം നല്‍കുന്ന മഞ്ചു വിനോദിനെയും ഇക്കാര്യങ്ങള്‍ അറിയിക്കുകയുണ്ടായി. പ്രവാസി മലയാളി ഫെഡറേഷന്‍ അസോസിയോഷന്റേയും സ്‌നേഹക്കൂട് എന്ന സംഘടനയുടെയും നിരന്തരപരിസ്രമത്തിന്റെ ഫലമായാണ് മണി ഇന്ന് ജന്മനാട്ടില്‍ തിരിച്ചെത്തുന്നത്.