പശുവിന്‍ പാലും നിഷേധിക്കുമോ?പാലിനായി വാങ്ങിയ പശുവിനെ കൊണ്ടു പോകുന്നതിനും വിലക്കേര്‍പ്പെടുത്തിയോ?

കോട്ടയം ജില്ലയിലെ മല്ലപ്പള്ളിയില്‍ വീട്ടാവശ്യത്തിനായി വാങ്ങിയ പശുവിനെയും കൊണ്ടു പോയ വാഹനം ബിജെപി പ്രവര്‍ത്തകര്‍ വഴിയില്‍ തടഞ്ഞു. ചങ്ങനാശേരിക്കടുത്തു തെങ്ങണയിലേക്കു പശുക്കളെ കൊണ്ടുപോയ വാഹനമാണ് താലൂക്ക് ആശുപത്രിക്കു സമീപം തടഞ്ഞത്. എഴുമറ്റൂരില്‍ വീടുകളില്‍നിന്നു വാങ്ങിയ പശുക്കളാണിതെന്നു ഉടമകള്‍ വ്യക്തമാക്കിയതായി പൊലീസ് പറഞ്ഞു. വാഹനം തടഞ്ഞതിനു കണ്ടാലറിയാവുന്ന ആറു ബിജെപി പ്രവര്‍ത്തകര്‍ക്കെതിരേ കേസെടുത്തു. വാഹനം ഉടന്‍ വിട്ടയയ്ക്കുമെന്നു പൊലീസ് പറഞ്ഞു. കന്നുകാലികളുടെ വില്‍പനയ്ക്കു നിയന്ത്രണമേര്‍പ്പെടുത്തി കേന്ദ്രസര്‍ക്കാര്‍ പുതിയ വിജ്ഞാപനം പുറപ്പെടുവിച്ച പശ്ചാത്തലത്തിലാണു ബിജെപി പ്രവര്‍ത്തകര്‍ വാഹനം തടഞ്ഞതെന്നാണു സൂചന.

കേന്ദ്ര നയം എന്താണന്നറിയാഞ്ഞിട്ടാണോ അതോ മനപ്പൂര്‍വ്വം കേരളത്തില്‍ പ്രശ്‌നങ്ങള്‍ സൃഷ്ടിക്കാനാണോ ഇവിടുത്തെ ബിജെപി പ്രവര്‍ത്തകര്‍ ഇങ്ങനെയൊക്കെ ചെയ്യുന്നതെന്ന് പൊതുജനത്തിന് മനസിലാകുന്നില്ല.കേന്ദ്രമിറക്കിയ കന്നുകാലി ചന്തകളിലെ കശാപ്പു നിയമം അത്യാവശ്യമായി ഒന്നു വായിക്കുന്നതും പഠിക്കുന്നതും നന്നായിരിക്കും.ഇനി അഥവാ ഇംഗ്ലീഷിലോ ഹിന്ദിയിലോ പുറത്തിറക്കിയ കന്നുകാലി നിയമം വായിക്കാനറിയില്ല എങ്കില്‍ മലയാളത്തിലേക്ക് അത് പലരും വിവര്‍ത്തനം ചെയ്തിട്ടുണ്ട്.ബീഫ് കഴിക്കുനേനതിനോ പാലു കുടിക്കുന്നതിനോ നിയന്ത്രണമില്ലെന്ന് മനസിലാക്കാന്‍ എത്ര അല്‍പ ബുദ്ധിക്കാരനും പറ്റും.ബിജെപി പ്രസിഡന്റ് അമിത്ഷാ ജൈന മതവിശ്വാസിയാണ് .ജൈനരാകട്ടെ മാംസാഹാരം പോയിട്ട് മൃഗങ്ങളുടെപാലു പോലും ഉപയോഗിക്കാത്തവരും.പകരും സോയാപാലാണ് അവര് ഉപയോഗിക്കുന്നത്.ഇനി അമിത്ഷായ്ക്കറിവില്ലെങ്കിലും നാട്ടുകാരിനി മുതല്‍ സോയാപാല്‍ കുടിച്ചാല്‍ മതിയെന്ന് ഇവിടുത്തെ പ്രവര്‍ത്തകരങ്ങ് നിശ്ചയിച്ചോ