ഗീതയും ഉപനിഷത്തും കോണ്‍ഗ്രസിനെയും രാഹുലിനെയും രക്ഷിയ്ക്കുമോ?

അവസാനം കോണ്‍ഗ്രസിന്റെ ഭാവി ഭദ്രമാക്കാന്‍ ഗീതയും ഉപനിഷത്തും സ്വായത്തമാക്കാന്‍ രാഹുല്‍ ഗാന്ധി.ഇന്‍ഡ്യ ഭരിക്കുന്ന ബിജെപിയെയും ,ആര്‍എസ്എസിനെയും നേരിടാനാണ് രാഹുല്‍ ഇവ രണ്ടും പഠിക്കാന്‍ തീരുമാനിച്ചത്. ഇപ്പോഴെങ്കിലും ഇവ രണ്ടും പഠിച്ചില്ലെങ്കില്‍ ബിജെപിയും ആര്‍എസ്എസും പ്രചരിപ്പിക്കുന്ന തെറ്റുകള്‍ ചൂണ്ടിക്കാട്ടാന്‍ പറ്റില്ലെന്നാണ് രാഹുലിന്റെ മതം.

എല്ലാവരെയും ഒരുപോലെ കാണണമെന്ന് ഉപനിഷത്തുകള്‍ പറയുമ്‌ബോള്‍ അതിനു വിരുദ്ധമായി ജനങ്ങളെ അടിച്ചമര്‍ത്തുകയാണ് ആര്‍എസ്എസുകാര്‍. ബിജെപിക്ക് ആര്‍എസ്എസ് തലസ്ഥാനത്തുനിന്നുള്ള നിര്‍ദ്ദേശങ്ങള്‍ മാത്രമാണ് മനസിലാക്കാന്‍ കഴിയുന്നത് ഇന്ത്യയെ മൗലികമായി മനസ്സിലാക്കാന്‍ അവര്‍ക്ക് സാധിച്ചിട്ടില്ലെന്നും രാഹുല്‍ പറഞ്ഞു.

രാജ്യത്തിനു മേല്‍ തങ്ങളുടെ ആശയം ബിജപി അടിച്ചേല്‍പ്പിക്കുകയാണ്. വിയോജിപ്പുകള്‍ അവര്‍ അംഗീകരിക്കുന്നില്ല. എല്ലാ വ്യക്തികള്‍ക്കും അവരുടേതായ അഭിപ്രായം പറയാനും വിയോജിപ്പ് പ്രകടിപ്പിക്കാനുമുള്ള അവകാശമുണ്ട്. മോദിയാണ് എല്ലാറ്റിലും വലുതെന്നാണ് അവര്‍ കരുതുന്നതെന്നും രാഹുല്‍ പരിഹസിച്ചു.

അപ്പോള്‍ ഒരു സംശയം ഇവരുടെ തെറ്റുകള്‍ ചൂണ്ടിക്കാട്ടാനാണോ രാഹുല്‍ ഇവ രണ്ടു പഠിക്കാന്‍ ചേരുന്നത്.ഭാരതത്തിന്റെ അടിത്തറ തന്നെ ഇവ രണ്ടുമാണെന്ന് നൂറ്റാണ്ടുകള്‍ പാരമ്പര്യമുള്ള പാര്‍ട്ടിയുടെ നേതാവ് മനസിലാക്കാതെ പോയത് കഷ്ടമാണ്