കോട്ടയത്തെ ആര്യാസ് ഉള്‍പ്പടെയുള്ള ഹോട്ടലുകളില്‍ നിന്നും പഴകിയ ഭക്ഷങ്ങള്‍ പിടിച്ചെടുത്തു

കോട്ടയം നഗരത്തിലെ ഹോട്ടലുകളിലും ബേക്കറികളിലും നഗരസഭാ ആരോഗ്യ വിഭാഗം നടത്തിയ പരിശോധനയില്‍ പഴകിയ സാധനങ്ങള്‍ പിടിച്ചെടുത്തു. ആര്യാസ് ബേക്കറി, സംസം, ദുബായ്, അറേബ്യ, ഫുഡ്പാലസ് തുടങ്ങി നഗരത്തിലെ പ്രമുഖ ഹോട്ടലുകളില്‍ നിന്നെല്ലാം പഴകിയ ഭക്ഷണം പിടിച്ചെടുത്തു.

ഹോട്ടലുകളുടെ അടുക്കള വൃത്തിഹീനമാണെന്നും പരിശോധനയില്‍ ബോധ്യമായി. വൃത്തിയില്ലാത്ത അടുക്കളയില്‍ ഭക്ഷണം പാകം ചെയ്യുന്ന ഹോട്ടലുകള്‍ക്ക് അധികൃതര്‍ നോട്ടീസ് നല്‍കി. പഴകിയ മത്സ്യങ്ങളും ഇറച്ചികളും എണ്ണയുമാണ് മിക്ക ഹോട്ടലുകളിലും ഉപയോഗിക്കുന്നത്. ദിവസങ്ങള്‍ പഴക്കമുള്ള കറികള്‍ വരെ പരിശോധനയില്‍ കണ്ടെത്തി.