രാമന്തളി കൊലപാതകം : പ്രധാനപ്രതി അറസ്റ്റില്‍

ആര്‍എസ്എസ് രാമന്തളി മണ്ഡല്‍ കാര്യവാഹ് കക്കംപാറയിലെ ചൂരക്കാട്ട് ബിജുവിനെ കൊലപ്പെടുത്തിയ കേസില്‍ പ്രധാനപ്രതിയെ പിടികൂടി. ഡിവൈഎഫ്‌ഐ പരിസരത്തുനിന്നാണ് ഇയാളെ പോലീസ് പിടികൂടിയത്. ബിജുവിനെ കൊലപ്പെടുത്തിയ സംഘത്തിലെ പ്രധാനപ്രതി ഇയാളായിരുന്നു. ഇന്നോവ കാറിലെത്തിയ സംഘമാണ് ബിജുവുനെ വെട്ടികൊലപ്പെടുത്തിയത്. ഒരാള്‍ കൂടി കേസില്‍ പിടിയിലാകാനുണ്ട്. കഴിഞ്ഞ ദിവസം രണ്ട് പേരെ പോലീസ് അറസ്റ്റ് ചെയ്തിരുന്നു. കുന്നരു കാരംതോട് സ്വദേശി പി.സത്യന്‍ (32), കക്കംപാറയിലെ വി.ജിതിന്‍ (35) എന്നിവരാണ് നേരത്തെ അറസ്റ്റിലായത്. സത്യന്‍ പയ്യന്നൂര്‍ എഫ്‌സിഐ ഗോഡൗണിലെ ചുമട്ടുകാരനും ജിതിന്‍ ടൈല്‍സ് പണിക്കാരനുമാണ്. പയ്യന്നൂര്‍ റെയില്‍വേ സ്റ്റേഷനില്‍ വെച്ചാണ് സിഐ എന്‍.പി.ആസാദ്, എസ്‌ഐ കെ.പി.ഷൈന്‍ എന്നിവരുള്‍പ്പെട്ട പോലീസ് സംഘം ഇരുവരെയും അറസ്റ്റ് ചെയ്തത്. കക്കംപാറ നടുവിലെ പുരയില്‍ റിനീഷ്, പരുത്തിക്കാട് സ്വദേശി കുണ്ടുവളപ്പില്‍ ജ്യോതിഷ് എന്നിവര്‍ നേരത്തെ അറസ്റ്റിലായിരുന്നു. ഇതോടെ കേസില്‍ ഇതുവരെ നാലുപേര്‍ അറസ്റ്റിലായി. അനുപ് പിടിയിലായതോടെ കേസന്വേഷണം വേഗത്തിലാകുമെന്നാണ് പോലീസ് കരുതുന്നത്.