രഹസ്യപ്പോലീസിനു ചാനല്‍ കണ്ടാല്‍ പോരേ?

പ്രതിപക്ഷ നേതാവ് വാര്‍ത്താസമ്മേളനം നടത്താനൊരുങ്ങുന്നു.സംസ്ഥ#ാന സര്‍ക്കാരിന്റെ ഒന്നാം വാര്‍ഷുകവുമായി ബന്ധപ്പെട്ടാണ് പത്രക്കാരേ വിളിച്ചുകൂട്ടിയിരിക്കുന്നത്.സര്‍ക്കാരിനെതിരെ പ്രതിപക്ഷ നേതാവ് ആഞ്ഞടിക്കുമെന്നുറപ്പ്.പെട്ടന്ന് മാധ്യമപ്രവര്‍ത്തകരല്ലാത്ത രണ്ടു പേരെ പ്രസ് ഹാളില്‍ കണ്ടെത്തി.സംഗതി ദുരൂഹം.ആദ്യം പറഞ്ഞു ഓഫീസ് സ്റ്റാഫണെന്ന്പിടിയ്ക്കപ്പെട്ടു.ചോദ്യം ചെയ്തു.അപ്പോളാണറിയുന്നത് ഇരുവരും സംസ്ഥാന രഹസ്യപ്പോലീസിലെ അംഗങ്ങളാണെന്ന്.

പ്രതിപക്ഷ നേതാവ് ചെന്നിത്തല നടത്തുന്ന പത്രസമ്മേളനത്തില്‍ കുറിപ്പ് വിതരണത്തില്‍ പ്രത്യേകിച്ച് രഹസ്യമൊന്നുമില്ല.പിന്നെ അദ്ദേഹം പറയുന്ന കാര്യങ്ങളും രഹസ്യമാക്കി വെക്കാന്‍ കഴിയില്ല.പിന്നെ എന്തിനാണ് രഹസ്യപ്പോലീസ് അവിടെയെത്തിയത്.അവരുടെ ഓഫീസിലോ മറ്റെവിടെയെങ്കിലുമോ ഇരുന്ന് ചാലലുകളുടെ തല്‍സമയ സംപ്രേക്ഷണം കണ്ടാല്‍ ചെന്നിത്തല പറയുന്നതെന്താണെന്ന് കൃത്യമായറിയാം.അദ്ദേഹം പറയുന്നത് നിരീക്ഷിക്കാന്‍ അവിടെ എത്തണമെന്ന് യാതൊരു നിര്‍ബ്ബന്ധവുമില്ല.പിന്നെ പ്രതിപക്ഷ നേതാവ് സര്‍ക്കാരിനെ പുകഴ്ത്തിയൊന്നും പറയില്ലെന്ന് എന്തായാലും കേരളത്തിലെ സാധാരണ ജനങ്ങള്‍ക്കു പോലുമറിയാം.പിന്നെ രഹസ്യപ്പോലീസിനെ അവിടെ എത്തിച്ച് അതിന്റെ പഴി കൂടി കേള്‍ക്കേണ്ടി വന്നത് കഷ്ടമല്ലേ. പിന്നെ സംസ്ഥാനത്തെ കാര്യങ്ങള്‍ നിരീക്ഷിക്കാനാണല്ലോ ശമ്പളമൊക്കെ നല്‍കി രഹസ്യപ്പോലീസിനെ നിയമിച്ചിരിക്കുന്നത്.അതുകൊണ്ട് അവരു ചെയ്തത് തെറ്റാണെന്ന് പറയാന്‍ പറ്റുമോ?

എന്തായാലും ഇരുവരെയും പിടികൂടി പ്രസ്ഹാളിനു വെളിയിലാക്കിയ ശേഷമാണ് രമേശ് ചെന്നിത്തലയുടെ വാര്‍ത്താസമ്മേളനം ആരംഭിച്ചത്.അതുകൊണ്ട് അതിനകത്തു നടന്ന രഹസ്യങ്ങളൊന്നും പുറം ലോകമറിഞ്ഞില്ല.എന്നുമാത്രമല്ല രമേശ് സര്‍ക്കാരിനെതിരെ നടത്തിയ വിമര്‍ശനങ്ങളൊന്നും രഹസ്യപ്പോലീസോ അല്ലാത്ത പോലീസോ പൊതുജനങ്ങളോ ആരുമറിഞ്ഞില്ല. രഹസ്യപ്പോലീസിനെ വാര്‍ത്താസമ്മേളനം നിരീക്ഷിക്കാന്‍ പറഞ്ഞു വിട്ടവരാണോ അതോ രഹസ്യമല്ലാതെ പ്രതിപക്ഷനേതാവ് നടത്തിയ പത്രസമ്മേളനം രഹസ്യമായി നിരീക്ഷിച്ച രഹസ്യപ്പോലീസാണോ യഥാര്‍ത്ഥത്തില്‍ തെറ്റുകാര്‍.