മെട്രോ ഉദ്ഘാടനമുണ്ടെന്ന് കടകംപള്ളി, ഇപ്പോഴില്ലെന്നും പ്രധാമന്ത്രി വരട്ടെയെന്നും പിണറായി

കൊച്ചി മെട്രോ റെയിലിന്റെ ഉദ്ഘാടനം ഈ മാസം 30 ന് നടക്കുമെന്ന് മന്ത്രി കടകംപള്ളി സുരേന്ദ്രനെ ഉദ്ധരിച്ചുള്ള റിപ്പോര്‍ട്ടുകള്‍ക്കു തൊട്ടി പിന്നാലെ മെട്രോയുടെ ഉദ്ഘാടനം തീരുമാനിച്ചിട്ടില്ലെന്ന് മുഖ്യമന്ത്രി പിണറായിയുടെ തിരുത്തെത്തി.ഇന്നുച്ഛയോടെയാണ് മെട്രോ ഉദ്ഘാടന വാര്‍ത്ത പരന്നത്.മന്ത്രി സഭയുടെ ഒന്നാം വാര്‍ഷികത്തോടനുബന്ധിച്ചാകും ഉദ്ഘാടനമെന്നും കടകംപള്ളി സുരേന്ദ്രന്‍ പറഞ്ഞതായാണ് വാര്‍ത്ത വന്നത്.എന്നാല്‍ ഈ വാര്‍ത്ത വാസ്തവ വിരുദ്ധമാണെന്നും ചില തെറ്റിദ്ധാരണകളുടെ അടിസ്ഥാനത്തില്‍ വാര്‍ത്ത പരന്നതാണെന്നും മുഖ്യമന്ത്രി പറയുന്നു.

മെട്രോ ഉദ്ഘാടന വാര്‍ത്ത വന്നതിനു തൊട്ടു പിന്നാലെ പ്രധാനമന്ത്രിയുടെ സൗകര്യം മാനിച്ചില്ല,അദ്ദേഹത്തെ ക്ഷണിച്ചില്ല തുടങ്ങി ആക്ഷേപങ്ങള്‍ ചില ഇടങ്ങളില്‍ നിന്നുണ്ടായി.എന്നാല്‍ തളിപ്പറമ്പില്‍ മാധ്യമപ്രവര്‍ത്തകരെ കണ്ട പിണറായി പ്രധാനമനന്ത്രിയുടെ സൗകര്യം നോക്കിയേ ഉദ്ഘാടനം നടത്തൂ എന്നാണ് അറിയിച്ചിരിക്കുന്നത്.അതിനായി പ്രധാനമന്ത്രിയുടെ ഓഫീസുമായി ബന്ധപ്പെട്ടിട്ടുണ്ടെന്നും അദ്ദേഹം വ്യക്തമാക്കി. ടമയ് 30 ന് പ്രധാനമന്ത്രി വിദേശ പര്യടനത്തിലാണ്.അതുമല്ല ഇത്ര കുറഞ്ഞ ദിവസത്തിനുള്ളില്‍ ഇത്ര വലിയ ഒരു സംരഭത്തിന്റെ ഉദ്ഘാടനം നടത്താന്‍ തീരുമാനിച്ചതിനെതിരെ ചില മുറുമുറുപ്പുകള്‍ പല കേന്ദ്രങ്ങളില്‍ നിന്നുയരുകയും ചെയ്തു