റാന്‍സംവെയര്‍ വൈറസ് ആക്രമണം:രാജ്യത്ത് എടിഎമ്മുകള്‍ അടയ്ക്കുന്നു

ലോകത്തെ ഞെട്ടിച്ച റാന്‍സംവെയര്‍ ആക്രമണത്തിന് ഇന്ത്യയും ഇരയായതോടെ ബാങ്കുകള്‍ക്ക് റിസര്‍വ് ബാങ്കിന്റെ മുന്നറിയിപ്പ്. പഴയ ഓപ്പറേറ്റിങ് സിസ്റ്റമുള്ള എല്ലാ എടിഎമ്മുകളും അടിയന്തിരമായി അടച്ചിടണമെന്നാണ് നിര്‍ദേശം നല്‍കിയിരിക്കുന്നത്. രാജ്യത്ത് ഏതാണ്ട് 2.25 ലക്ഷം എടിഎമ്മുകള്‍ സുരക്ഷിതമല്ലാത്ത പഴയ മൈക്രോസോഫ്റ്റ് വിന്‍ഡോസ് 7 ഓപ്പറേറ്റിങ് സിസ്റ്റത്തിലാണ് പ്രവര്‍ത്തിക്കുന്നത്. ആര്‍ബിഐയുടെ മുന്നറിയിപ്പിന്റെ പശ്ചാത്തലത്തില്‍ ഇവ മുഴുവനും അടച്ചിടേണ്ടിവരും. എടിഎമ്മുകളിലെ സോഫ്റ്റ്വെയര്‍ അപ്ഡേറ്റ് ചെയ്തതിനുശേഷം മാത്രമേ ഇവ തുറക്കാവൂ എന്നും നിര്‍ദേശമുണ്ട്.

വാണാക്രൈ റാന്‍സംവെയര്‍ സൈബര്‍ ആക്രമണം കേരളത്തിലും.സംസ്ഥാനത്ത് വയനാട്ടിലെ തരിയോട് പഞ്ചായത്തിലും പത്തനംതിട്ടയിലെ കോന്നി അരിവാപ്പുലത്തെയും കമ്പ്യൂട്ടറുകളാണ് തകരാറിലായത്.വയനാട് പഞ്ചായത്ത് ഓഫീസിലെ നാലു കമ്പ്യൂട്ടറുകള്‍ തകരാറിലായിട്ടുണ്ട്.വെള്ളിയാഴ്ച വൈകീട്ട് കമ്പ്യൂട്ടറില്‍ സന്ദേശം കണ്ടു.എന്നാല്‍ മനസിലാകാത്തതിനാല്‍ കമ്പ്യൂട്ടറുകള്‍ ഓഫ് ചെയ്തു.തുടര്‍ന്ന് ഇന്ന് രാവിലെ വന്ന് തുറന്നപ്പോഴാ സംഭവം മനസിലായത്.