പാക്കിസ്ഥാനിലും സൗദിയിലുമില്ലാത്ത മുത്തലാഖ് ഇന്‍ഡ്യയ്‌ക്കെന്തിന്?

തീവ്ര മുസ്ലിം രാജ്യമായ പാക്കിസ്ഥാന്‍ പോലുംമുത്തലാഖ് വേണ്ടന്നു വെച്ചു വിവാഹ മോചന നിയമം പരിഷ്‌ക്കരിച്ചു.പിന്നെയെന്തിന് ഇന്‍ഡ്യയില്‍ അതു പിന്തുടരുന്നു.മുത്തലാഖ് വേണ്ടന്നു വെച്ചാല്‍ ഇന്‍ഡ്യയിലെ മുസ്ലിം സമുദായത്തിനു വേണ്ടി മാത്രം പുതിയ വിവാഹ മോചന നിയമം കൊണ്ടു വരുമെന്ന് മുത്തലാഖിന്റെ ഭരണഘടനാ സാധുത പരിശോധിക്കുന്ന സുപ്രീംകോടതി ബെഞ്ചിനു മുന്‍പാകെ അറ്റോര്‍ണി ജനറല്‍ ബോധിപ്പിച്ചു.സുപ്രീം കോടതി ഇതു നിരോധിച്ചാല്‍ എന്തായിരിക്കും അടുത്ത നടപടിയെന്ന കോടതിയുടെ ചോദ്യത്തിന് മറുപടിയാണ് അറ്റോര്‍ണി ജനറല്‍ നല്‍കിയത്.

മിക്കമുസ്ലിം രാജ്യങ്ങളും മുത്തലാഖ് ഒഴിവാക്കി പുതിയ വിവാഹ മോചന നിയമം കൊണ്ടു വന്നു.തുര്‍ക്കി,ഇന്‍ഡോനേഷ്യ,ഇറാന്‍,ഇറാഖ് എന്നീ രാജ്യങ്ങള്‍ മുത്തലാഖ് അല് വിവാഹമോചന നിയമമായി കരുതുന്നത്.അവിടെ നിലനില്ക്കുന്ന രീതികളെ കുറിച്ച് കോടതിയില്‍ അറ്റോര്‍ണി ജനറല്‍ വിശദീകരിച്ചു.

ഇന്‍ഡ്യയില്‍ മുത്തലാഖ് നിയമം എടുത്തുകളയാന്‍ കേന്ദ്രസര്‍ക്കാരിന്റെ ഭാഗത്തു നിന്ന് വലിയ ശ്രമമുണ്ട്.എന്നാല്‍ മുസ്ലിം സമുദായത്തില്‍ നിന്നു തന്നെ നിരവധ#ി എതിര്‍പ്പുകളും സര്‍ക്കാരിന്റെ ഈ നീക്കത്തിന് തിരിച്ചടിയായിട്ടുണ്ട്.എന്നാല്‍ മുത്തലാഖ് മൂലം മുസ്ലിം സമുദായത്തിലെ വനിതകള്‍ അനുഭവിക്കേണ്ടി വരുന്ന ദുരിതമാണ് സര്‍ക്കാര്‍ ചൂണ്ടിക്കാട്ടുന്നത്.രാജ്യത്ത് ഏകീകൃത സിവില്‍ നിയമം കൊണ്ടു വരുന്നതിന്റെ ഭാഗമായാണ് മുത്തലാഖിന്റെ നിയമസാധുതയെപ്പറ്റി കോടതി കേസ് പരിഗണിക്കുന്നത്.