വീണ്ടും പിണറായിക്കെതിരെ ആഞ്ഞടിച്ച് സിപിഐ

മൂന്നാര്‍ പ്രശ്‌നത്തില്‍ സര്‍വ്വകക്ഷിയോഗം ക്രഡിറ്റിനു വേണ്ടി സിപിഎം-സിപിഐ വാക്‌പോര് കടുക്കുന്നു.മൂന്നാര്‍ പ്രശ്‌നത്തില്‍ മുഖ്യമന്ത്രി പിണറായി വിജയന്‍ സര്‍വ്വ കക്ഷി യോഗം വിളിച്ചത് ക്രഡിറ്റിനു വേണ്ടിയാണെന്ന് സിപിഐ സംസ്ഥാന എക്‌സിക്യൂട്ടീവില്‍ വിമര്‍ശനമുയര്‍ന്നു.മൂന്നാര്‍ കൈയ്യേറ്റത്തിനെതിരെ സിപിഐ നേരത്തേ തന്നെ കര്‍ശന നിലപാട് സ്വീകരിച്ചിരുന്നു.എന്നാല്‍ സിപിഎം പ്രാദേശിക നേതൃത്വം മൂന്നാര്‍ പ്രശ്‌നത്തില്‍ ആരോപണ വിധേയരായതോടെ സിപിഎം പ്രതിരോധത്തില്‍ പെട്ടു.ഈ സാഹചര്യത്തിലാണ് മുഖ്യമന്ത്രി സര്‍വ്വ കക്ഷിയോഗം വിളിക്കാന്‍ പ്രേരിപ്പിച്ചതെന്നും സിപിഐ എക്‌സിക്യൂട്ടീവില്‍ വിമര്‍ശനമുയര്‍ന്നു.

കൈയ്യേറ്റക്കാരോട് യാതൊരു ദയയും കാണിക്കില്ലെന്ന് നേരത്തേ തന്നെ റവന്യൂ വകുപ്പ് തീരുമാനിച്ചിരുന്നതാണ്.വന്‍കിടക്കൈയ്യേറ്റങ്ങള്‍ ഒഴിപ്പിക്കുമ്പോള്‍ ചെറുകിടക്കാര്‍ രക്ഷപെടാതിരിക്കാനുള്ള നടപടികള്‍ സ്വീകരിക്കുമെണമെന്നും സിപിഐ സംസ്ഥാന എക്‌സിക്യൂട്ടിവ് ആവശ്യപ്പെട്ടു.കൈയ്യേറ്റം ഒഴിപ്പിക്കലില്‍ നിന്ന് പിന്നോട്ടു പോകേണ്ടതില്ലെന്നും സിപിഐ റവന്യൂ വകുപ്പിനോടാവശ്യപ്പെട്ടു.