ബാഹുബലി അണിയാം,ബാഹുബലിയെ തിന്നാം

തീയേറ്ററുകളിലേക്കൊഴുകുന്ന ജനസഞ്ചയത്തിലോ കളക്ഷന്‍ റെക്കോര്‍ഡിലോ മാത്രമൊതുങ്ങാതെ താരമായി ബാഹുബലി.ബാഹുബലിയും ഫല്ലാല്‍ദേവനും ദേവസേനയും അണിയുന്ന ആഭരണങ്ങളും അവരുടെ ചിത്രമാലേഖനം ചെയ്ത സാരികളും വിപണി കീഴടക്കുന്നു ബാഹുബലി സാരികള്‍ വിപണിയിലെത്തിച്ചിരിക്കുന്നത് ഹൈദ്രബാദ് ആസ്ഥാനമായി പ്രവര്‍ത്തിക്കുന്ന ഫാഷന്‍ ഡിസൈനിംഗ് സ്ഥാപനമായ ജാജു സാരീസ്.ബാഹുബലി സാരികള്‍ക്ക് വേണ്ടിയുള്ള ഓര്‍ഡറുകള്‍ കുമിഞ്ഞുകൂടുകയാണെന്ന് ഉടമകള്‍ ആവകാശപ്പെടുന്നു.350 മുതല്‍ 400 രൂപ വരെയാണ് സാരികളുടെ വില.ഓര്‍ഡറുകള്‍ കൂടുന്നതനുസരിച്ച് വില 1100 വരെയെത്തി നില്‍ക്കുന്നു.ബാഹുബലിയുടെ കൂടുതല്‍ ഡിസൈനിലുള്ള സാരികള്‍ പുറത്തിറക്കിയേക്കും

ഡല്‍ഹി ആസ്ഥാനമായ ആഭരണ നിര്‍മ്മാതാക്കളാണ് ബാഹുബലി ആഭരണങ്ങള്‍ പുറത്തിറക്കിയിരിക്കുന്നത്.സ്വര്‍ണം പൂശിയ ബാഹുബലി ആഭരണങ്ങളാണ് വിപണിയിലെത്തിയിരിക്കുന്നത്.ഓണ്‍ലൈന്‍ വഴിയാണ് ആഭരണ വില്പന പൊടിപൊടിക്കുന്നത്.

സാരിയിലും ആഭരണങ്ങളിലും മാത്രമല്ല ബാഹുബലി പ്രേമം.ഒരു ഭക്ഷണശ്യംഖല ബാഹുബലി ബര്‍ഗറുംപുറത്തിറക്കിയിട്ടുണ്ട്.ബാഹുബലിയിലെ നായകനായ പ്രഭാസ് ബാഹുബലി ബര്‍ഗറും ചുമന്നുകൊണ്ടു നില്‍ക്കുന്ന ചിത്രവും സോഷ്യല്‍ മീഡിയയില്‍ വൈറലാണ്.