വിദേശവിദ്യാര്‍ത്ഥികള്‍ കുടിയേറ്റക്കാരല്ല: ലേബർ എംപിമാർ

വിദേശ വിദ്യാർത്ഥികളെ കുടിയേറ്റക്കാരായി കാണുന്നതിനെതിരെ ലേബർ എംപി മാർ. യുകെയിലെ യൂണിവേഴ്സിറ്റികളിൽ പഠിക്കാൻ എത്തുന്ന വിദ്യാർത്ഥികളെ എമിഗ്രേഷൻ കണക്കുകളിൽ നിന്നും ഒഴിവാക്കണമെന്ന ആവിശ്യവുമായി എംപി മാർ രംഗത്തെത്തി . ഈ ആവിശ്യം തെരേസ മെയ് നിരാകരിച്ചാൽ അത് യൂണിവേഴ്സിറ്റി കളുടെ പ്രവർത്തനത്തെ തന്നെ സാരാമായി ബാധിക്കുമെന്നാണ് എംപിമാര്‍ പറയുന്നത്.

പഠനത്തിനായി യുകെ യിൽ എത്തുന്ന വിദ്യാർത്ഥികളെ കുടിയേറ്റക്കാരുടെ പട്ടികയിൽ ഉൾപ്പെടുത്തരുതെന്നും അവരെ പ്രത്യേകമായേ പരിഗണിക്കാവൂ എന്നുമാണ് ഇവര്‍ മുന്നോട്ട് വെച്ചിരിക്കുന്ന ആവശ്യം. കഴിഞ്ഞ ദിവസം ക്രോസ്സ്‌ പാർട്ടി എഡ്യൂക്കേഷൻ കമ്മറ്റി പ്രസിദ്ധീകരിച്ച റിപ്പോർട്ടിലാണ്‌ ഈ കാര്യം പറഞ്ഞിരിക്കുന്നത് . ഇന്ത്യയുമായി വ്യാപാര കരാറിനെക്കുറിച്ചു ചർച്ചചെയ്യാൻ എത്തിയ നരേന്ദ്ര മോദി ബ്രിട്ടീഷ് പ്രധാന മന്ത്രിയോട് ഇതേ ആവിശ്യം ഉന്നയിച്ചിരുന്നു . വിദേശ വിദ്യാർത്ഥികളെ കുടിയേറ്റക്കാരായി കണക്കാക്കരുതെന്നാണ് ഹൗസ് ഓഫ് ലോർഡ്‌സ് ന്റെയും നിലപാട്.