ഗോവയിലും മണിപ്പൂരിലും കോണ്‍ഗ്രസും ബിജെപിയും തമ്മില്‍ ഇഞ്ചോടിഞ്ച് പോരാട്ടം

അഞ്ചു സംസ്ഥാനങ്ങളിലെ തെരഞ്ഞെടുപ്പില്‍ ഗോവയിലും മണിപ്പൂരിലും കോണ്‍ഗ്രസും ബിജെപിയും തമ്മില്‍ ലീഡ് നിലയില്‍ ഇഞ്ചോടിഞ്ച് പോരാട്ടം നടത്തുകയാണ്. ഗോവയില്‍ കോണ്‍ഗ്രസ് രണ്ടു സീറ്റിന് മുന്നിലേക്ക് കടന്നപ്പോള്‍ മണിപ്പൂരില്‍ ബിജെപി രണ്ടു സീറ്റില്‍ ലീഡ് ചെയ്യുകയാണ്.

40 മണ്ഡലങ്ങളില്‍ മത്സരം നടന്ന ഗോവയില്‍ അധികാരം നിലനിര്‍ത്താന്‍ പാടുപെടുന്ന ബിജെപിയ്ക്ക് നേതാവ് ലക്ഷ്മികാന്ത് പര്‍സേക്കറിന്റെ ലീഡ് കുറയുന്നതാണ് ദൃശ്യമാകുന്നത്. 19 സീറ്റുകളിലെ നില പുറത്തു വരുമ്പോള്‍ കോണ്‍ഗ്രസ് ഒമ്പതു സീറ്റുകളിലും ബിജെപി ഏഴു സീറ്റുകളിലും മുന്നിട്ടു നില്‍ക്കുമ്പോള്‍ എന്‍സിപി ഒരിടത്തും എംജിപി ഒരിടത്തും മറ്റുള്ളവര്‍ ഒരിടത്തും ലീഡ് നില നിര്‍ത്തുന്നു.