ചരിത്ര വാറന്റ്,ജസ്റ്റിസ് കര്‍ണ്ണനെതിരെ സുപ്രീം കോടതിയുടെ അറസ്റ്റു വാറന്റ്

ജുഡീഷ്യറിയിലെ അഴിമതി തുറന്നു കാട്ടിയ കൊല്‍ക്കത്ത ഹൈക്കോടതി ജസ്റ്റിസ് സി.എസ് കര്‍ണ്ണനെതിരെ സുപ്രീം കോടതിഅറസ്റ്റു വാറന്റ് പുറപ്പെടുവിച്ചു.കര്‍ണ്ണനെതിരായ കോടതിയലക്ഷ്യക്കേസ്പരിഗണിച്ചപ്പോള്‍ നേരിട്ട് ഹാജരാകാതിരുന്നതിനാണ് അദ്ദേഹത്തിന് അറസ്റ്റ് വാറന്റ് പുറപ്പെടുവിച്ചത്.ഇന്‍ഡ്യയിലെ കോടതികളുടെ ചരിത്രത്തില്‍ ആദ്യമായാണ് ഒരു ജഡ്ജിയ്‌ക്കെതരിരെ അറസ്റ്റു വാറന്റ് പുറപ്പെടുവിക്കുന്നത്.കോടതി നടപടികളില്‍ അസാധാരണയില്‍ അസാധാരണായ നടപടിയാണിപ്പോള്‍ ജഡ്ജിയ്‌ക്കെതിരായി ഉണ്ടായിരിക്കുന്നത്.

ടകാല്‍ക്കത്ത പൊലീസ് മേധാവിയോട് മാര്‍ച്ച് 31ന് കര്‍ണ്ണനെ കോടതിയില്‍ ഹാജരാക്കാനും നിര്‍ദ്ദേശിച്ചിട്ടുണ്ട്.സുപ്രീം കോടതി അധ്യക്ഷനായ ഏഴംഗ ബഞ്ചാണ് മോശം പെരുമാറ്റത്തെ തുടര്‍ന്ന് കോടതിയലക്ഷ്യ കുറ്റം ചുമത്തിയിരിക്കുന്നത്.നിരവധി സിറ്റിംഗ് ജഡ്ജിമാര്‍ക്കും വിരമിച്ച ജഡ്ജിമാര്‍ക്കുമെതിരെ അഴിമതി ആരോപണമുന്നയിച്ച് പ്രധാനമന്ത്രിക്ക് കത്തെഴുതിയെന്ന ആരോപണവും കര്‍ണ്ണനെതിരെയുണ്ട്.

ഇതൊരു ദേശീയ പ്രശ്‌നമാണെന്നും ചില ജഡ്ജിമാരുടെ നിയമവിരുദ്ധ പ്രവര്‍ത്തനങ്ങള്‍ പ്രധാനമന്ത്രിക്ക് ചൂണ്ടിക്കാണിച്ചിട്ടുണ്ടെന്നും കര്‍ണന്‍ പ്രതികരിച്ചു. യാതൊരു അന്വേഷണവും ചര്‍ച്ചയും ഇല്ലാതെയാണ് തനിക്കെതിരെ നടപടിയെടുത്തതെന്നും തന്റെ ജീവിതവും കരിയറും നശിപ്പിക്കാന്‍ മനപ്പൂര്‍വം ഏകപക്ഷീയമായ രീതിയില്‍ പ്രവര്‍ത്തിക്കുകയായിരുന്നെന്നും അദ്ദേഹം പറഞ്ഞു.