മാവോയിസ്റ്റ് ഭീതി വിട്ടൊഴിയാതെ നിലമ്പൂര്‍ കാടുകള്‍

കേരളാ പൊലീസ് നടത്തിയ ധീരമായ മാവോയിസ്റ്റ് വേട്ടയ്ക്കു ശേഷം വീണ്ടും നിലമ്പൂര്‍ കാടുകളില്‍ ഇവര്‍ സജീവമാകുന്നു.കുപ്പു ദേവരാജനും അജിതയും കൊല്ലപ്പെട്ട ശേഷം ഇവിടം താവളമാക്കിയിരുന്ന അന്നു രക്ഷപെട്ട മാവോയിസ്റ്റുകള്‍ ഒളിവിലായിരുന്നു.എന്നാല്‍ എല്ലാമൊന്നാറിത്തണുത്തപ്പോള്‍ വീണ്ടും നിലമ്പൂര്‍ വനത്തിലേക്ക് ഇവര്‍ തിരിച്ചെത്തിയെന്നാണ് റിപ്പോര്‍ട്ടുകള്‍.അന്ന് രക്ഷപെട്ടെന്നു കരുതുന്ന കുപ്പു ദേവരാജന്റെ അടുത്ത സുഹൃത്ത് മണിവാസകമാണ് ഇപ്പോള്‍ ഇവിടെ സജീവമായ മാവോയിസ്റ്റു നേതാവെന്നു കരുതുന്നു.അന്നു രക്ഷപെട്ട വിക്രം ഗൗഡയും കാട്ടിലേക്ക് തിരിച്ചെത്തിയതായി വിവരമുണ്ട്.ഇവരുടെ സംഘത്തില്‍ മലയാളികളും ഒരു സ്ത്രീയും ചേര്‍ന്നിട്ടുണ്ട്.

ഇവര്‍ക്ക് അനുകൂലമായ നിലപാട് സ്വീകരിച്ചിരുന്ന ആദിവാസി ഗ്രാമങ്ങളിലേക്ക് ഇവരെത്തിയതായും സ്ഥിരീകരിക്കാത്ത റിപ്പോര്‍ട്ടകളുണ്ട്.എന്നാല്‍ പഴയതു പോലെ അദിവാസികളുടെ സഹായം ഇവര്‍ക്കു ലഭിക്കുന്നില്ല.പൊലീസിനെ ഭയന്നാണ് ആദിവാസികളും ഇവരുടെ സംരക്ഷണം ഒഴിവാക്കുന്നത്.മാവോയിസ്റ്റ് സ്വാധീന മേഖലയായഇന്‍ഡ്യയുടെ വശക്കു കിഴകന്‍ സംസ്ഥാനങ്ങളില്‍ നിന്ന് നിലമ്പൂരേക്ക് ആയുധമെത്തിക്കാനുള്ള പദ്ധതിയും ഇവര്‍ തയ്യാറാക്കിയതായി റിപ്പോര്‍ട്ടുകള്‍ പറയുന്നു.