നടിയെ അക്രമിച്ച കേസിലെ കുറ്റവാളികള്‍ രക്ഷപെടാന്‍ അനുവദിക്കില്ലെന്ന് മുഖ്യമന്ത്രി

ടകാച്ചിയില്‍ നടിയെ അക്രമിച്ച കേസിലെ പ്രതികളെ രക്ഷപെടാന്‍ അനുവദിക്കില്ലെന്ന് മുഖ്യമന്ത്രി പിണറായി വിജയന്‍ .പൊലീസ് പ്രതികള്‍ക്കു പിന്നാലെ തന്നെയുണ്ട്.പ്രതികളാരെന്ന് തിരിച്ചറിയാന്‍ കഴിഞ്ഞത് അന്വേഷണത്തിന് വഴിത്തിരിവായി.വിശദമായ അന്വോഷണം നടന്നു വരികയാണെന്ന് പിണറായി ഫേസ് ബുക്ക് പോസ്റ്റിലറിയിച്ചു.

സംഭവത്തിലുള്‍പ്പെട്ടിട്ടുള്ളവരുടെ കുറ്റങ്ങള്‍ പൂര്‍ണമായി തെളിയിച്ച് അവര്‍ക്ക് അര്‍ഹതപ്പെട്ട ശിക്ഷ വാങ്ങിക്കൊടുക്കും.സ്ത്രീകള്‍ക്കു നേരേ നടക്കുന്ന കുറ്റകൃത്യങ്ങള്‍ ആശങ്കാ ജനകമാണ്.സംഭവിക്കാന്‍ പാടില്ലാത്തത് സംഭവിച്ചു.പ്രതികളെയും അവരെ സംരക്ഷിക്കുന്നവരെയും ഒരു തരത്തിലും രക്ഷപെടാന്‍ അനുവദിക്കില്ലെന്നും പിണറായി ഫേസ് ബുക് പോസ്റ്റില്‍ പറഞ്ഞു.പ്രതിപക്ഷ നേതാവ് രമേശ് ചെന്നിത്തലയുടെ നിരാഹാരം മറ്റ് പല ആവശ്യങ്ങള്‍ക്കുമാണെന്നും പിണറായി നേരത്തേ പ്രതികരിച്ചിരുന്നു.

ടവള്ളിയാഴ്ച അര്‍ദ്ധരാത്രിയാണ് നടിയുടെ കാര്‍ തടഞ്ഞ#ു നിര്‍ത്തി അതിക്രമിച്ചു കയറുകയും അക്രമിക്കാന്‍ ശ്രമിക്കുകയും ചെയ്തത്.സംഭവ സമയത്ത് നടിയുടെ ഡ്രൈവര്‍ മാര്‍ട്ടിനെ കസ്റ്റഡിയിലെടുത്തിരുന്നു.എന്നാല്‍ സംഭവത്തിന്റെ സൂത്രധാരന്‍ നടിയുടെ മുന്‍ ഡ്രൈവര്‍ പള്‍സര്‍ സുനിലെന്നറിയപ്പെടുന്ന സുനിലാണെന്ന് പൊലീസ് അറിയിച്ചു.അങ്കമാലി അത്താണി മുതല്‍ നടിയുടെ കാറില്‍ കയറിപ്പറ്റിയ സംഘം പാലാരിവട്ടം വരെ ശല്യം തുടര്‍ന്നു.