എം എല്‍ എ മാര്‍ പീഡിപ്പിക്കപ്പെടുന്നെന്ന് ഒ പി എസ്,സ്വതന്ത്രരെന്ന് ശശികല

ആരോപണ പ്രത്യാരോപണങ്ങളുമായി തമിഴ്‌നാട്ടിലെ രാഷ്ട്രീയ നാടകങ്ങള്‍ തുടരുകയാണ്.കൂവത്തൂരിലെ റിസോര്‍ട്ടില്‍ കഴിയുന്ന എം എല്‍ മാര്‍ പീഡിപ്പക്കപ്പെടുകയാണെന്ന് ഒ പനീര്‍ശെല്‍വം ആരോപിച്ചു.ഗുണ്ഡകളെ കാവല്‍ നിര്‍ത്തിയിരിക്കുന്നു.അവരില്‍ പലരും തന്നെ ബന്ധപ്പെട്ടന്നും ഉചിതമായ തീരുമാനമെടുക്കണമെന്ന് അവരോട് ആവശ്യപ്പെട്ടതായും ഒ പി എസ് അറിയിച്ചു. ജനം വോട്ട് നല്‍കിയത് തനിക്കോ,ശശികലക്കോ അല്ല ജയലളിതക്കാണ്.അസംബ്ലിയില്‍ ഭൂരിപക്ഷം തെളിയിക്കുമെന്നും പനീര്‍ശെല്‍വം പറഞ്ഞു.

ജയലളിതയുടെ സഹോദരന്റെ മകളായ ദീപയെ പോലും അവരുടെ ആശുപത്രി വാസത്തിനിടയിലും മരണശേഷവും അകറ്റി നിര്‍ത്തി.കൂവത്തൂരിലെ റിസോര്‍ട്ടില്‍ കഴിയുന്ന എം എല്‍ എ മാരേ കാണാന്‍ ദിവസേന ശശികല പോകുന്നു.എന്തിന്?ശശികല മുഖ്യമന്ത്രിയാകുന്നത് ചെന്നൈയ്ക്ക് പുറത്തുള്ള പാര്‍ട്ടിക്കാര്‍ പോലും എതിര്‍ക്കുന്നു പനീര്‍ശെല്‍വം പറഞ്ഞു എന്നാല്‍ കൂവത്തൂരിലെ റിസോര്‍ട്ടില്‍ കഴിയുന്ന എം എല്‍ എമാര്‍ സ്വതന്ത്രരാണെന്നും സന്തുഷ്ടരാണെന്നും ശശികല അറിയിച്ചു.പാര്‍ട്ടിയോടുള്ള ആത്മാര്‍ത്ഥത കൊണ്ടാണ് നാടും വീടും വിട്ട്അവരിവിടെ കഴിയുന്നത്.അവരെ ചിലര്‍ ഭീഷണിപ്പെടുത്തുന്നുണ്ട്.കുടുംബവുമായി അവര്‍ ഫോണില്‍ ബന്ധപ്പെടുന്നുണ്ട്. പാര്‍ട്ടിക്കു പുറത്തു പോയവര്‍ നുണപ്രചരണം നടത്തുന്നു

കൂവത്തൂരിലെ റിസോര്‍ട്ടില്‍ ഇന്നലെയും മൂന്നുമണിക്കൂര്‍ നേരം സമയം ചെലവഴിച്ചശേഷം അവര്‍ക്കൊപ്പം മാധ്യമ പ്രവര്‍ത്തകരെക്കണ്ടാണ് ഇക്കാര്യങ്ങള്‍ പറഞ്ഞത്.എത്ര എം എല്‍ മാര്‍ കൂടെയുണ്ടെന്ന ചോദ്യത്തിന് എണ്ണി നോക്കാനാണവര്‍ പറഞ്ഞത്.അനധികൃത സ്വത്തുസമ്പാദനക്കേസിന്റെ വിധിയെക്കുറിച്ചു ചോദിച്ചപ്പോള്‍ കാത്തിരുന്നു കാണാമെന്ന് അവര്‍ പറഞ്ഞു.നിലവിലുള്ള സര്‍ക്കാരിനെ അസ്ഥിരപ്പെടുത്താന്‍ ആരു ശ്രമിച്ചാലും നടക്കില്ലെന്നും അവര്‍ പറഞ്ഞു.അവസാന ശ്വാസം വരെ പാര്‍ട്ടിക്കായി നിലകൊള്ളുമെന്നും അവര്‍ പറഞ്ഞു